Geréja Sint-Sèrwas
Geréja Katolik Sint-Sèrwas atawa St. Sèrwatius (Indonésia: Gereja Katolik Santo Servatius) di Kampung Sawah, Bekasi, Jawa Kulon, entu atu paroki nyang kesusun deri orang-orang Serani Katolik Betawi di gutekan Kampung Sawah. Kebudayaan Betawi masing kepampang deri anggota gerèjanya nyang maké basa Betawi nyang diturunin deri basa Melayu. Di Kampung Sawah kendiri, budaya Betawi ampé wayah gini masing kejaga', bagèn kata sebagèannya udah pada paèh. Atu tulad budaya Betawi nyang ampé wayah gini masing tetep kejaga', bagèn kata ada perobahan, nya'entu bebaritan atawa sedekah bumi. Nyang bikin ngebèngbat, ni pegelaran malah dilakonin di Paroki Sint-Sèrwas, Kampung Sawah.