Genderuwo
Genderuwo atawa Gandaruwa (hurup Arab Gundul: ݢندروا) ya'entu tahayul deri bangsa jin nyang wujudnya kaya' monyèt nyang badannya segedé gaban, ada punya badan nyang setèrek èn kulitnya item. Genderuwo punya bulu entu lebat banget. Semua-mua badannya ketutupan ama entu bulunya. Orang Betawi ama orang Jawa nyebut enni mahluk entu Genderuwo, melèngken orang Sunda nyebut enni mahluk jadi Gandaruwa.
Biasa Genderuwo demen idup di batu nyang ada punya aèr, gedong tua, pohon gedé nyang adem, bisa juga di pojokan-pojokan nyang sepi èn gelap. Kalo ngikut tahayul, Genderuwo diyakinin duduk di kawasan utan Jati pekayon Danalaya, Wanagiri èn di kawasan Lemah Putih di Girimulya, Kulon Praga, D.I. Yogyakarta. Ada juga nyang betènggèr di Gunung Ratu, Lamongan.