Gaplé'

Gaplé' (hurup Arab Gundul: ݢفلئ‎) atawa gapléh (hurup Arab Gundul: ݢفليه‎) entu macem maènan kartu. Di Indonésia sokanan bentuknya kecit bangsa 3x5 cm, warnanya kuning èn cenggableg endol-endol nyeng jadi gantian deri nomer. Gaplé' dimaènin maké tèhel pasagi panjang kecit nyeng dipaké jadi kartunya, nyeng jadi titik nyeng kebagi dua, nya'entu bagèan atas èn bawa nyeng diwatesin ama garis tenga di kartunya. Ni dima'sudin bakal ngebédain nilé deri kartu di hatu sisi, sedeng sisi belakangnya sokanan dikeja kosong.

Gaplé' kot-kotan jadi kongco tungkulan ngisi wayah atawa tungkulan nongkrong ama batur-batur. Wasilah dalem maèn ni gaplé' sokanan bentuknya kartu kecit balok èn gambarnya buletan mèra dalem macem-macem jumblah dengan nyeng paling kecil tu balak jisong ampé nyeng paling gedé tu balak liok.

Sejarah

Sejarah ni gaplé' nyeng keserat nongtodin banyak pèrsi nyeng béda-béda. Cumanan, dantanya deri kabèhan tu pèrsi akur kalo maènan gaplé awal-awalnya nongtod èn dikenal deri Tiongkok.

Gaplé' asalnya deri Tiongkok nyeng mulai wayah keriaan di Hangciu. Gaplé' nyeng sokanan dipaké bakal wasilah ngejudi serènta dadu, dijual ama tukang jaga kuliling barang-barang jaman Kijir Haucong deri Kekijiran Song.^[1] Di catetan sejarah diomong kalo Yang Chu dibilangin kalo uda ngasi potongan tu kartu bakal hatu sesajèn bakal Kijir Huicong èn abis tu ni maènan mulain ngejembar pas wayah jaman guwernemèn putra Kijir Huicong, Kijir Kocong (1127-1163 M). Omong-omong begitu, laèn sumber bilang kalo ni berekas nyeng juntrungin ke pemakeman èn laèn penuman ni gaplé' punya maènan. Buku gaplé' paling kolot dinyahoin entu 《宣和牌譜》 (Manual of the Xuanhe Period) yang ditulis oleh Kuyu (1341–1437),^[1] cuman berapa sejarawan Tiongkok nyayain kalo ni buku laèn nyeng paling kolot.^[2]

Referensi

↑ ^a ^b Lo, Andrew. "The Game of Leaves: An Inquiry into the Origin of Chinese Playing Cards," Bulletin of the School of Oriental and African Studies, University of London, Vol. 63, No. 3 (2000): 389-406.
↑ 乔光辉、郭威、王骏. 《宣和牌谱》瞿佑作辨伪 (dalem basa Tionghoa). 《中华文化论坛》2009年01期. Diarsipin deri nyang asli tanggal 2014-01-04. Dipungut 2014-01-04. {{cite news}}: Unknown parameter |dead-url= ignored (|url-status= suggested) (pertulungan)

Bacaan terusannya

Pickover, Clifford A. (2002). The Zen of Magic Squares, Circles, and Stars. Princeton: Princeton University Press. (ISBN 0-691-11597-4).

Ruju'an

[lo_2000-1] Lo, Andrew. "The Game of Leaves: An Inquiry into the Origin of Chinese Playing Cards," Bulletin of the School of Oriental and African Studies, University of London, Vol. 63, No. 3 (2000): 389-406.

[《宣和牌谱》瞿佑作辨伪-2] 乔光辉、郭威、王骏. 《宣和牌谱》瞿佑作辨伪 (dalem basa Tionghoa). 《中华文化论坛》2009年01期. Diarsipin deri nyang asli tanggal 2014-01-04. Dipungut 2014-01-04. {{cite news}}: Unknown parameter |dead-url= ignored (|url-status= suggested) (pertulungan)

[1]

[2]