Doa Baba Kita

Gambar bikinan James Tissot: Doa Tuhan ("Doa Baba Kita") (1886-1896)

Doa Baba Kita atawa Doa Baba di Sorga atawa Doa Tuhan entu doa nyang paling umum ama paling utama dalem igama Serani (Katolik ama Protèstan masup). Dalem Wasiat Anyar di Kitab Mugadas Serani, ni doa diajarin langsung ama Isa ke muridnya buat jadi pendoman doa.

Di Wasiat Anyar, eni doa macemnya ada dua. Pèrsi nyang Injil Matius punya (Matius 6:9–13) entu pèrsi nyang panjangan. Kalo pèrsi doa nyang deri Injil Lukas (Lukas 11:2–4), entu pèrsi nyang lebih pèndèkan.

Isinya

Dalem basa Betawi, doanya kira-kira begini:

Baba kita nyang ada di sorga,
dikudusin Lu punya nama,
dateng, dateng, dah, Lu punya Kerajaan,
jadi, jadi, dah, Lu punya mao,
di Bumi kaya' di sorga.

Angsrongin kita ni ari daharan nyang cukup,
ama ampunin kita dari semua-mua salah kita,
kaya' kita juga' udah ngampunin orang nyang salah ama kita;
jangan Lu boyong kita ke cobaan,
ama bedalin kita dari nyang berek.

(Pan, Elu nyang gableg entu Kerajaan ama kuasa, ama kemuliaan ampé kapan au'. Amin.)