Doa Baba Kita

Lukisan bikinan James Tissot: Doa Tuhan ("Doa Babé Kité") (1886-1896)

Doa Babé Kité atawa Doa Tuhan entu doa nyang paling umum ama paling utama dalem igama Serani (Katolik ama Protèstan masup). Dalem Wasiat Anyar di Kitab Mugadas Serani, doa eni diajarin langsung ama Isa ke muridnya buat jadi pedoman doa.

Dalem Wasiat Anyar, eni doa tipenya ada dua. Tipe nyang Injil Matius punya (Matius 6:9–13) entu tipe nyang lebih panjang. Kalo tipe doa nyang dari Injil Lukas (Lukas 11:2–4) entu tipe nyang lebih pèndek.

Isinya

Dalem basa Betawi, doanya kira-kira begini:

Babé kité nyang ada di sorga,
dikudusin nama-Lu,
dateng dah tuh Kerajaan-Lu,
jadi dah apa nyang Lu mau
di Bumi atawa di sorga.

Bagiin kité hari eni makanan kité nyang cukup,
ama ampunin kité dari semua-mua salah kité,
kaya' kité juga' ngampunin orang nyang salah ama kité;
ama jauhin kité dari nyang susah-susah,
ama lepasin kité dari nyang jahat.

(Pan Elu nyang punya entu Kerajaan ama kuasa ama nyang mulia-mulia selama-lamanya. Amin.)