Dalang pèlem
Dalang pèlem (hurup Arab Gundul: دالڠ فيلم) atawa tukang ngarahin pèlem (hurup Arab Gundul: توکڠ ڠارهين فيلم) ièlah orang nyang tugasnya ngarahin pèlem pegimana naskahnya punya kata. Nah, kalu kata 'pembikin pèlem', ni setilah juga' bisa dah maran ke juragan pèlemnya (produser). Naskah pèlem dipaké bakal jadi patokan bakal ngatur unsur-unsur seni ama drama. Di entu wayah juga', dalang pèlem nemenin petugas atawa penggawé peralatan èn tukang lakon bakal nutugin wawasan pengarahannya. Dalang pèlem juga' gunanya bakal naturin penggawé peralatan ama tukang lakon pèlem dalem ngumbarin dia pada punya kegapakejaan (kreativitas) nyang dia pada gableg.