Cokèk

Cokèk pas nampil

Cokèk (hurup Arab Gundul: چوکيق‎ entu igelan nyang asalnya deri Betawi jaman jebot. Wayah gini, gambang kromong sari-sarinya dipaké bakal ngiringin penampilan igelan, kaya' igelan Sembah Nyai, Siri Kuning, èn sebagénya, serènta igelan masarakat nyang digero' igelan cokèk. Igelan cokèk tarian yang berasal dari budaya Betawi kuno. Igelan cokèk diigelin taysenan lanang-wadon. Ni igelan has Tenggerang kesawaban ama Cina punya sawaban, nya'entu tukang igel nyang maké kebaya nama "cokèk". Entu cokèk romannya mèmper ama sinetron deri Cerbon atawa jenis ronggèng deri Jawa Tenga. Ni igelan sokanan keciri ama lagu sarunya tukang igelnya.

Wawayangan entu pembukaannya ni cokèk. Tukang igel cokèk pada baris ngelèrèt jèjèran sembèn bolak-balik ngikutin gambang kromong punya irama. Pentangan tangannya ampé setinggi kepala ama seirama gerak kakinya. Entakanuh, tu tukang igel pada nyodèrin tamu nyang pada ngedangès bakal diajak ngigel bareng. Sanonya, nyang disodèr mah tamu nyang dirèken paling kehormatan dulu. Kalu nyang diajak sodèr mu ngikut ngigel, baru dah pada mulain ngigel taysenan. Saban taysenan pada adep-adepan parek cuman ngga' sampé nèmpèl. Kotan-kotan, tu taysenan malah pada belakang-belakangan. Kalo tempatnya rada jenggar, sari-sarinya bisa aja dah tu ada gerak segala ngiter ngalang begituh. Tukang igel cokèk punya pakéan biasanya maké baju kurung ama celana panjang deri bahan kaya' sutra keliran..

Roncèt dah poko'nya kelir sodèrnya nyang derak, kaya' mèra, ijo, ungu, konèng, mèra jambu, belao, èn sebagénya. Ujung bawa celana biasanya dikasi riasan paké kaèn nyang ketemu kekeb kelirnya. Sodèr panjang ketancang di pinggang nyang ujungnya nguyur ke bawah rambutnya rapih licin ke belakang. Ada juga' nyang ditocang terus dikondé nyang jadi ngebonggol amadikasi aspèl nyang goyang-goyang.