Cagak potrèt
Cagak potrèt (hurup Arab Gundul: چاݢق فوتريت) atau tangkringan tustèl (hurup Arab Gundul: تڠکريڠن توستيل) di penjeprètan (fotografi) entu atu peranti cagak nyang kanggo' numpil awak tustèl biar bisa nangtung ngejegir panteng. Maksudnya mah bakal ngurangin capé'nya tukang kèkèrnya pas lagi nangkep gambar ama ngurangin rècèt (noise) nyang ditongolin ama oglègnya tangan tukang kèkèrnya.
Cagak potrèt sari-sarinya dipaké kapan si tukang kèkèr maké sepud jeprètan (shutter speed) di angka 30 atawa lebi antèran atawa maké lènsa tustèl dengen jarak pancer (focal length) lebi deri 200 mm.