Boksen
Boksen[1] (hurup Arab Gundul: بکسن) atawa tinju (hurup Arab Gundul: تنجو) atawa adu jotos (hurup Arab Gundul: أدو جوتوس) entu gerak badan ama seni maèn pukulan nyang nampilin dua orang penjaban seanteb pating gucelan paké dia punya tonjokan dalem serèndèngan pertandingan bejangka 1 atawa 3 menit nyang disebut ronde. Mau dalem Olimpiade kè', mau dalem gerak badan propèsionil kè', itu dua petinju sama-sama ngindarin lawan punya pukulan sembari betungsé ngatot ke lawannya.
Ada berapa cara bakal menangin boksen. Atu caranya entu liwat knockout (alkojor atawa kèok) atawa KO, ya'entu barang itu petinju dikatot langsung alkojor ke tana kaga' bisa bangun lagi dalem waktu 10 sekon. Adapun cara laènnya entu liwat kèok tèhnis (technical knockout), ya'entu pas itu petinju kaga' bisa nerusin tanding, mangka itu wasit nyetop tandingnya. Kèok tèhnis, mau menang kè', kalah kè', tetep dirèken sama ama menang-kalahnya alkojor biasa kalo bakal petinju. Cara laèn bakal menang itu liwat pontennya, ya'entu petinju nojos-nojos lawannya lebi banyak, keras, ama jitu biar dapet ponten lebi banyak. Ada juga seri di boksen. Wasit bisa aja ngumumin seri tèhnis kalo ada sowèk atawa cidera kaga' sengaja. Umumnya, kalo tanding kaga' dilakonin atawa kaga' dirèken tanding bakalan diètung "kaga' tanding" (no contest) atawa (NC). Walakin, abisnya ronde ke-4, kalo kartu ponten dua-duanya medu, itu tanding bisa dibilang seri. Ni dia caranya ngalahin musuh paké ungkulan awak brital. Saban ronde paling kaga' 3 menit bakal lanang, èn 2 menit bakal wadon.
Ruju'an[permak | permak sumber]
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.