Loncat ke isi

BoBoiBoy

Deri Wikipédi

BoBoiBoy tu pèlem cèmèn èn rèndèngan pèlem wasilah Malésia nyeng diceplok ama Animonsta Studios. Ni pèlem cèmèn nginclo'in orang bocah lanang nyeng namanya BoBoiBoy. Ni bocah gableg ungkulan nyeng didasarin ama unsur alam. Bareng ama dia punya kerucil-kerucil, dia pada ngeja atu barung èn ongkod-ongkod nyelametin bumi deri wujud asing punya anceman bakal nyoba nyetèr bumi.[1]

Asal-muasal ni pèlem cèmèn nyeng judulnya BoBoiBoy, gableg tiga usum , nyeng ada diumrupin deri Maret 2011 ampé Juni 2016. Terusannya, disusulin ama dia punya pèlem perdananya, BoBoiBoy: The Movie nyeng uda diumrupin tanggal 3 Maret 2016.[2]

Hatu rèndèngan anyar nyeng judulnya BoBoiBoy Galaxy entu jadi lanjutan deri rèndèngan mula èn pèlemnya nyeng mulain diumrupin pas usum perdananya deri Nopèmber 2016 ampé Juli 2018. Abis usum perdana BoBoiBoy Galaxy, pèlem kedua, BoBoiBoy Movie 2 diumrupin tanggal 8 Agustus 2019. Nginclo'in pèlem kedua, Animonsta nongtodin usum kedua BoBoiBoy Galaxy dalem bentuk cerita cèmèn (komik) nyeng mulain taon 2020, dilantaranin ama tu penongtodan dalem asil pèlem èn rèndèngan Mechamato nyeng gableg dalem rèndèngan pèlem nyeng sama.

Dia pada punya penongtodan ogè' dah ngumumin dalem sidang Krea8if 2020, pèlem ketiga BoBoiBoy lagi disiapin èn umrupannya dijadwalin taon 2022[3], cuman dientarin. Masing dalem tu ihwal, Animonsta ngelanjutin ungkulan bakal nongtodin BoBoiBoy Galaxy usum kedua dalem bentuk rèndèngan gambar gerak.

Penongtodan

[permak | permak sumber]

BoBoiBoy tu bikinan perdana Animonsta Studios Sdn. Bhd., atu serèkat gambar gerak nyeng dikokoin taon 2009 ama Nizam Razak bareng dia punya kongcoan tiga nyeng sèjènnya: Safwan Abdul Karim, Anas Abdul Aziz, èn Kee Yong Pin abis dia pada ninggalin Les' Copaque Production.[4][5]

Engehan deri ni ceritra nangselin pada atu mahluk asing nyeng kenyadikan ama gahwah namanya Adu Du nyeng lagi ngara ke bumi.[6] Perobaan kecit dah dikeja lantaran dibandingin ama gahwah, biji cokelat malahan nyeng dipèngènin.[7] Tu perobaan dijuntrungin ama dia pada punya pelampang Pèsbuk nyeng dilantaranin ama rasa gahwa nyeng getir èn dekatan ama ruhnya bocah-bocah punya lantaran.[8]

Nur Fathiah Diaz orang nyeng jadi tukang ngomong soranya BoBoiBoy

Ni pèlem cèmèn punya rèndèngan pèlem diumrupin dalem dua pèrsi basa, nya'entu pèrsi basa Melayu Malésia ama basa Inggeris, masing-masing bakal pasaran tempatan èn antèrobangsa. Ni pèrsi dua-duanya paké kabèhan pelakon nyeng soranya pada béda. Dalem pèrsi basa Melayu Malésia, tukang omong sora tu dicomot deri tukang omong soranya Upin & Ipin, Nur Fathiah Diaz, nyeng dicomot bakal ngomong sora abed utamanya, BoBoiBoy.[9] Ni rèndèngan abis dengen tiga usum nyeng diinclo'in ama lanjutannya, BoBoiBoy Galaxy, nyeng mulain umrup tanggal 25 Nopèmber 2016.

Punggelan

[permak | permak sumber]
Lebi jau: Rèndèngan punggelan BoBoiBoy

Usum 1 (2011–2012)

[permak | permak sumber]

Usum perdana gablegin 13 punggelan èn hatu punggelan

buntutan. Mula-mulanya diumrupin di ari Ahad, 13 Maret 2011 di TV3. Mula-mulanya diumrupin di Disney Channel Asia tanggal 11 Juni 2011 èn di NTV7 mulain bulan Méi 2013.

Gepokan:Boboiboy promo.jpg
Poster promosi BoBoiBoy

Alkisah dimulain ama abed utama, BoBoiBou nyeng lagi hijrah ke ruma dia punya engkong, Tok Aba di pulo Rintis bakal perèi sekola. Barengan ama tu wayah, Adu Du, mahluk asing deri planit Ata Ta Tiga lagi ngara ke bumi bakal jadi sumber ungkulan. Di nemuin cokelat cenggableg di bumi bakal sumber ungkulan nyeng paling top markotop, nyeng uda longit deri dia punya planit kira-kira tiga pulu rèbu taon sudah. Adu Du kepèngèn boléin kabèhan cokelat bakal dia sendèwèk bagèn ngeja dia jadi palawan di planitnya. Bakal mancènin dia punya sat-setnya asian, dia kudu boléin pertulungan deri hatu Power Sfera (Ochobot). Takanu, kejadian nyeng diogahin kejadian juga' èn mariannya BoBoiBoy tuh nyeng boléin Ochobot. Terusannya, Ochobot masiin berapa kekuatan bakal BoBoiBoy, èn kerucil-kerucilnya, Ying, Yaya, èn Gopal.

Saben punggelan diumrupin selama 22 menit. Lantaran kebekènan ni pèlem cèmèn, Animonsta Studios dah nongtodin punggelan buntutat dengen babak lanjutan tanggal 1 Jenuari 2012.

Usum 2 (2012–2013)

[permak | permak sumber]

Usum kedua gablegin 13 punggelan nyeng mulain deri ari Ahad, 27 Méi 2012 di TV3.

Di ni usum, BoBoiBoy mulain babak anyar dalem dia punya keidupan abis pindah ke Pulo Rintis bakal ngamprog balik ama Tok Aba, Gopal, Ying, èn Yaya. Ceritra dalem ni musim ngamplekin ceritra BoBoiBoy èn kerucil-kerucilnya punya keidupan di Sekola Dasar Pulo Rintis. BoBoiBoy gè' dah boléin hatu kongco anyar, Fang di tu sekola anyarnya.

Fang atawa Budak Misteri mulain dikenalin di usum 1 dalem punggelan buntutan lanjutan. Dalem punggelan buntutan usum 2, BoBoiBoy punya kerucil-kerucil bareng sama Fang begubed ama mahluk asing nyeng gablegin kekuatan namanya Ejo Jo nyeng nyopèt kabèhan dia pada punya jem ungkulan, selaèn Fang èn BoBoiBoy, bakal matiin dia, Fang maké kabèhan kekuatan nyeng dia gablegin.

Usum 3 (2013–2016)

[permak | permak sumber]

Usum ketiga gablegin 26 punggelan, mulain diumrup bulan Nopèmber 2013 ampé Juni 2016.

Dalem ni usum, BoBoiBoy bugujeng ama Ejo Jo èn Adu Du kongcoan ama BoBoiBoy cuman dia berobah abed jadi jahat lagi lantaran dia punya ema'. BoBoiBoy gè' boléin kekuatan unsur api èn aèr nyeng anyaran.

Ni entu usum perdana nyeng diangkat di YouTube duluan sebelon diumrupin di tipi. Ni gè' usum perdana nyeng ngerobah lagu latar deri "BoBoiBoy, Superhero Kita!" jadi "Jagalah Bumi" dalem usum 3, punggelan ke-20.[10]

BoBoiBoy: The Movie (2016)

[permak | permak sumber]
Makalah utama: BoBoiBoy: The Movie

Pèlem perdana bakal ni rèndèngan pèlem, BoBoiBoy: The Movie ditayangin tanggal 3 Maret 2016 di Malésia, 18 Maret di Singapur, èn 13 April 2016 di Indonésia.[11] Rèntètan kejadian di usum 3, ni pèlem ngeja BoBoiBoy ama kerucil-kerucilnya ngayeng di pulo Misteri nyeng dijedogin ama bola kekuatan nyeng ora dinyahoin. Ochobot diculi ama amprogan musu anyar nyeng disebut Tengkotak, nyeng gableg dedengkot namanya Bora Ra nyeng lagi nyari bola kekuatan jaman ki benèn namanya Klamkabot. Dengen ongkos gotiaw ringgit, ni pèlem waroan nyeng baè' èn berasil besetèr lantaran boléannya nyeng ampé 20 tiaw ringgit.

BoBoiBoy Galaxy Musim 1 (2016–2018)

[permak | permak sumber]
Makalah utama: BoBoiBoy Galaxy
Makalah utama: Senarai episod BoBoiBoy Galaxy

BoBoiBoy Galaxy nya'entu nama mulanya bakal BoBoiBoy. Usum perdananya mulain tanggal 25 Nopèmber 2016 ampé 21 Juni 2018.[12] Ni rèndèngan pèlem anyar tu lanjutan deri rèndèngan pèlem BoBoiBoy èn BoBoiBoy: The Movie. Ni ngasiin tangselan bakal lakon nyeng dasarnya deri ayengan, nyeng jumblahnya ada 24 punggelan.[13]

Lantaran dinamain ulang, BoBoiBoy mula-mulanya dikeja paké kekuatan trap 1 èn musti bisain 7 unsur dulu (kilap, angin, tana, api, aèr, daon, ama cahaya) sebelon bisa naèk ke kekuatan trap 2. Sebagé penjembarannya deri ni rèndèngan, BoBoiBoy gè' gableg mecah jadi banyakan nyeng sebelonnya cuman 3, wayah gini jadi 5 takanu 7, dia punya keboléan dah diumrupin duluan dalem pèlem perdananya.

BoBoiBoy Movie 2 (2019)

[permak | permak sumber]
Makalah utama: BoBoiBoy Movie 2

Abis BoBoiBoy: The Movie, Animonsta Studios mikir bakal ngasilin dua pèlem BoBoiBoy nyeng laènnya, di mana Nizam Razak ngomong kalo dia pada dah gableg gagasan bakal pèlem keduanya.[14] Tu ditongtodin tanggal 8 Agustus 2019 di Malésia, Indonésia, Singapur, èn Bruné Darussalam Terus ditongtodin di Piètnam tanggal 30 Agustus 2019.

Tampang Hang Kasa

Abis nyeng dilakonin dalem BoBoiBoy Galaxy, BoBoiBoy èn kerucil-kerucilnya beradepan ama orang jahat jaman ki benèn nyeng dah bangkot Retakka nyeng pèngèn nyomot kabèh-kabèhan kekuatan nyeng digablegin ama BoBoiBoy. Bareng ama Hang Kasa, nyeng bisain kekuatan trap 3 tana, hablur, èn ada punya kekuatan bakal gabungin berapa unsur jadi hatu bentuk nyeng disebut gabungan unsur. Tulad ni gabungan unsur diceplok dalem pèlem di mana BoBoiBoy Blaze èn BoBoiBoy Ès gabungan jadi BoBoiBoy FrostFire; terus BoBoiBoy Lindu èn BoBoiBoy Ès gabungan jadi BoBoiBoy Glasier; èn terakir, BoBoiBoy Halilintar èn BoBoiBoy Solar gabungan jadi BoBoiBoy Supra.

BoBoiBoy Galaxy Usum 2 (2020–2023; 2023–kini)

[permak | permak sumber]
BoBoiBoy Galaxy Usum 2

Lanjutan deri BoBoiBoy, BoBoiBoy Galaxy dah dianyarin ama usum kedua nyeng jadi usum kelima bakal kabèhan rèndèngan BoBoiBoy. Rèndèngan ni ceritra cèmèn bakal ngeja orang nyeng baca nganyeng bareng BoBoiBoy ama kerucil-kerucilnya bakal boléin kekuatan unsur anyar, serènta bejubel ama musu nyeng baru. Saben penjebrolan ni ceritra cèmèn BoBoiBoy Galaxy usum 2 dibarengin ama 48 sampul gambar warna-warni. Penjebrolan perdana dah mulain dijebrol tanggal 16 Maret 2020 èn abis dengen penjebrolan ke-27 tanggal 21 April 2023 (liwat buku) èn 25 April 2023 (liwat dalem jala). Taon 2023, Monsta bakal nongtodin gambar cèmèn BoBoiBoy Galaxy usum 2 abis 27 penjebrolan ceritra cèmèn kabèhan ditongtodin.

Nizam Razak ngomong kalo ni rèndèngan ceritra cèmèn bulanan anyar nengerin awalan Dunia Power Sphera, hatu alam nyatu nyeng bakal gabung-gabungin macem-macem banda-banda Monsta, kaya' BoBoiBoy, Mechamato, èn palawan anyar nyeng engkéannya.[15]

Pada Monsta CON 2023, jadwalnya disingkap tanggal 3 Désèmber 2023.[16] Nur Fathiah Diaz liwat akuran (kanal) YouTube Monsta, Netflix, èn TV9, selaènnya ditayangin di Astro Ceria Selalu RTV, terus tayangan langsung di Sooka èn Astro On Demand.

Abed

[permak | permak sumber]
Makalah utama: Abed BoBoiBoy

Tukang ngomong sora

[permak | permak sumber]

Umrupan

[permak | permak sumber]

Tempatan

[permak | permak sumber]
Negara Akuran Mulain Tayang Catetan
Malésia TV3 13 Maret 2011
Disney Channel (Asia) 11 Juni 2011 Udah sudah tayang di Malésia

Antèrobangsa

[permak | permak sumber]
Negara Saluran Tanggal Umrup Catetan
Indonésia RTV 16 Désèmber 2020 sebelonnya di Global TV, SINDOTV, èn MNC TV
Disney Channel (Asia) 16 Désèmber 2020
Singapur 11 Juni 2011 Usum 1 ampé 4
Kemboja
Laos
Birma
Pilipénen
Piètnam Maret 2018 Usum 1 èn seterusnya
POPS Kids Maret 2018 Akuran YouTube; usum 1 èn seterusnya
Hindi Hungama TV 12 Juni 2017
Marvel HQ 5 Juni 2019
Disney Channel (Hindi) 9 Désèmber 2019
Disney XD (Hindi) 16 Maret 2020 Usum 1 ampé 3 èn seterusya
Cartoon Network (Asia) 16 Jenuari 2020
Taiwan 11 Méi 2019 Usum 1 èn seterusnya
Nipong
Koréa Kidul
Tiongkok Tencent Video Désèmber 2017 Usum 1 èn seterusnya

Ruju'an

[permak | permak sumber]
  1. ↑ Mohd Nizam Abdul Razak, director; Ee Jean Yap, BoboiBoy, OCLC 988732441
  2. ↑ Tonton 3 Episod Terakhir BoBoiBoy di TV3 sempena Cuti Sekolah ini!!" Facebook. 26 May 2016. Retrieved on 10 June 2016.
  3. ↑ Tahir Alhamzah (September 11, 2020). "#Showbiz: 'BoBoiBoy Movie 3' set for 2022 release due to Covid-19". NST. Dipungut 16 Julai 2022. {{cite web}}: Check date values in: |access-date= (pertulungan)CS1 maint: url-status (link)
  4. ↑ "About Us Archived 5 Sèptèmber 2015 at the Wayback Machine" Animonsta Studios. Retrieved on 10 September 2015.
  5. ↑ "Animonsta in The Edge Malaysia - Netv@alue2.0" Animonsta Studios' Official Blog. 12 December 2009. Retrieved on 28 May 2016.
  6. ↑ "BoBoiBoy Sneak Peek HD" YouTube. 22 November 2009. Retrieved on 28 May 2016.
  7. ↑ "Konsep awal Adu Du, yang dulu dikenali sebagai cofeeliens (alien yang mahukan kopi - sebelum ditukar kepada alien yang mahukan koko)" Facebook. 29 December 2014. Retrieved on 28 May 2016.
  8. ↑ "Adu Du taknak takluk bumi sebab kopi.... pahit... tukar kepada koko!!!" Facebook. 10 November 2010. Retrieved on 28 May 2016.
  9. ↑ "BoBoiBoy: Superhero Tempatan" Animonsta Studios' Official Blog. 29 November 2010. Retrieved on 28 May 2016.
  10. ↑ "Tonton 3 Episod Terakhir BoBoiBoy di TV3 sempena Cuti Sekolah ini!!" Facebook. 26 May 2016. Retrieved on 10 June 2016.
  11. ↑ "BoBoiBoy: The Movie Official Website[permanent dead link]" Retrieved on 2 March 2016.
  12. ↑ "BoBoiBoy Galaxy Teaser" YouTube. 10 October 2016. Retrieved on 11 October 2016.
  13. ↑ "Animonsta Signs With A Global Toy Company, TOMY Archived 22 Oktober 2014 at the Wayback Machine" Animonsta Studios. 2 September 2014. Retrieved on 9 September 2015.
  14. ↑ "Lebih hebat, beremosi di pawagam Archived 2020-04-27 at the Wayback Machine" Harian Metro. 30 January 2016. Retrieved on 10 February 2016.
  15. ↑ Azam A (27 Februari 2020). "Selepas Filem, Komik BoBoiBoy Galaxy Musim 2 Pula Bakal Tembusi Asia Tenggara". The Vocket. Dipungut 1 Julai 2021. {{cite web}}: Check date values in: |access-date= èn |date= (pertulungan)CS1 maint: url-status (link)
  16. ↑ Sablonan:Cite tweet

Sènggètan luar

[permak | permak sumber]
Didapetin deri https://bew.wikipedia.org/w/index.php?title=BoBoiBoy&oldid=26931