Wikipédi:WikiSeratSerèt/Pertanyaan
| Belandongan | Tètèk bengèk lomba | Pemontenan | Daptar makalah | Pertanyaan |
Pertanyaan: Apa, tuh, Wikipédi?
Jawaban: Wikipédi entu wasilah Yayasan Wikimédia nyeng dipaké bakal ngumrupin pengabaran èn èlmu seroman ènsiklopédi bakal orang-orang. Wikipédi bolé dipermak èn diisi ama sapa baé.
Pertanyaan: Bolé ngeja rèkening Wikimédia di mana?
Jawaban: Lu bolé ngeja rèkening di pelampang mari.
Pertanyaan: Kudu bayar, èmang, kalo ngeja rèkening Wikimédia?
Jawaban: Perdèo, atuh, ngeja rèkening Wikimédia doang, mah.
Pertanyaan: Èmangnya Wikimédia ama Wikipédi entu sama, ya?
Jawaban: Jelas béda, lah. Wikimédia nya'entu yayasan nyeng mayungin Wikipédi èn berapa laèn proyèk. Sedeng Wikipédi nya'entu ènsiklopédi dalem jala nyeng bolé dilongok ama sapa baé.
Pertanyaan: Apa, tuh, bèt?
Jawaban: Bèt dalem Wikipédi, tuh, lèter-lèter nyeng keserat wayah ngeja makalah. Ni pengabaran bolé dipaké bakal ndeleng tu makalah dah lengkep belon.
Pertanyaan: Èmangnya kabèhan makalah kudu dibetawiin?
Jawaban: Makalah kudu dibetawiin kabèh ora panting cenggableg laèn basa.
Pertanyaan: Apa nyeng kudu dilakonin kalo embuh atu kata basa Betawinya apa?
Jawaban: Pan, cenggableg, tuh, enclekan di WhatsApp nyeng ada merbotnya, bolé, dah, tanya di situ, ya.
Pertanyaan: Logat Betawi mana nyeng kudu dipaké, nih?
Jawaban: Logat nyeng dipaké bakal ngeja makalah bolé nyeng mana baé, perdèo, asalkan ajek semua-mua kudu paké atu logat tok.
Pertanyaan: Apa nyeng kudu dilakonin kalo-kalo gua punya makalah kudu dibetulin?
Jawaban: Langsung, baé, dah, dibetulin bagèn tukang urus ngerèken pontennya.
Pertanyaan: Èmang tukang nimbrung bolé rambet ponten nyeng cilik, baé?
Jawaban: Bolé, lah. Asal rambet atu deri 4 jumblah ponten nyeng kena dirambet, tu: 3 (tiga), 6 (enem), 10 (sepulu), èn 15 (lima belas), tong hilap tu ama cingli-cinglinya, ya.
Pertanyaan: Èmangnya bolé ngeja makalah serampangan, baé, laèn ama téma?
Jawaban: Téma nyeng ditanggep bakal ni WikiSeratSerèt entu budaya sayur. Mangkanya, ponten bakal dirèken kalo makalah nyeng ditulis masing keitung deri bangsaan budaya sayur. Kalo lu bingung angguran takon, baé, dah, ama tukang urusnya, ya.
Pertanyaan: Èmangnya bolé ngeja makalah deri tarjiman makalah Wikipédi basa laèn?
Jawaban: Bolé, lah. Makalah nyeng ditarjim deri laèn Wikipédi bolé dijadiin asal ga maranin atawa ruju'in makalah Wikipédi juga'.