Wikipédi:WikiSeratSerèt/Pemontenan

Belandongan

Tètèk bengèk lomba

Pemontenan

Daptar makalah

Pertanyaan

Pemontenan

1. Makalahnya kudu anu bolé gawéan kendiri, bukan anu bolé njiplak.
2. Makalahnya ditulis ama dipermak selamanya ni lomba masing tangéh.
3. Makalahnya kudu ditulis paké pendelengan (sudut pandang) kaga' ngilon (netral).
4. Makalahnya kudu dikeja berales ruju'an sumber nyang danta ama kena dipercaya; kaga' bolé nukil deri kandutan (konten) nyang anu bolé bikin-bikinan orang (kaya' Wordpress, Blogspot, Wikia, èns.), pelampang ama majalah rumpi, èn pelampang wasilah silaturahmi (media sosial).
5. Perètungan ponten pengejaan makalah begini, dah, jèmbrèngannya (diètung saben makalah):
   • Penimbrung bakal dapet 3 ponten kalu ngeja makalah seila-ilanya 4.000 bèt, 1 gambar, 1 ruju'an, 1 anakjudul (selaèn ruju’an, sènggètan luar, atawa catetan).
   • Penimbrung bakal dapet 6 ponten kalu ngeja makalah seila-ilanya 7.000 bèt, 1 gambar, 2 ruju'an, 2 anakjudul (selaèn ruju’an, sènggètan luar, atawa catetan).
   • Penimbrung bakal dapet 10 ponten kalu ngeja makalah seila-ilanya 10.000 bèt, 1 gambar, 3 ruju'an, 3 anakjudul (selaèn ruju’an, sènggètan luar, atawa catetan).
   • Penimbrung bakal dapet 15 ponten kalu ngeja makalah seila-ilanya 12.000 bèt, 1 gambar, 4 ruju'an, 4 anakjudul (selaèn ruju’an, sènggètan luar, atawa catetan).
6. Sarat utama bakal dapet peris juara 1 ampé 3 entu kudu ngomplokin paling kaga' 50 ponten.
7. Sarat utama bakal dapet peris juara 4 ampé 10 entu kudu ngomplokin paling kaga' 20 ponten.
8. Nyang menang ditempo' deri banyak-banyakan ponten.

Rambet ponten

Bok-bokan mao ngerambet ponten (klaim poin), lu kudu:

1. Ngisi blangko nyang udah diderakin ama tukang urus.
2. Tukang urus bakal merèksa rambetan ponten nyang udah masup ke surat lèstrik. Kalu entu makalah diterima, mangka pontennya langsung dicatet, dah. Cumannya, kalu ada barang nyang kudu didandanin dulu, penimbrung kudu dandanin dulu, dah, tu makalahnya baru dapet ponten.
3. Tukang urus bakal ngewara-warain pengabaran baru pasal pengomplokan ponten deri penimbrung liwat rèkening resmi Instagram Enclekan Wikimédia Jakarta @wikijkt saben sekali seminggu pas ni lomba masing tangéh.

Rambet ponten di mari

Baca pèrsi bahasa Melayu Tinggi (Indonésia)