Wikipédi:Makalah gacoan/Si Tjonat

Si Tjonat entu pèlem bandit jebrolan taon 1929 nyang kaya'nya, mah, uda ilang. Ni pèlem meneng dibikin di Hindia Welanda ama dalang nama Nelson Wong, gubahan deri F.D.J. Pangemanann punya bikinan roman, pasal anak lanang nama Conat nyang jadi bandit di Betawi. Ni pèlem mboléin tanggepan roncat-roncèt, cuman kitanya au', dah, segimana laris karcisnya. Biar kata ni pèlem tadinya mao dibikin rèrodan, dia punya pabrik nama Batavia Motion Picture keburu gulung tiker deluan. Entakanuh, pèlem aliran begini mulain banyak dijebrolin, kaya' misal pèlem Si Pitoeng, nyang maké lagi Si Tjonat punya dalang ama setèr. (Lengkepnya...)