Vierratale
Vierratale | |
|---|---|
| Asal | Jakarta, Indonesia |
| Janrah | Pop rock[1] Power pop[2] |
| Taon getep | 2008–sekarang |
| Pabrik | Aprilio Kingdom (2012–Sekarang) Musica Studio's (2008–2012) |
| Artis beroyot | Lyla, Killing Me Inside |
| Anggota | Kevin Aprilio Widy Soediro Nichlany Raka Cyril Damar |
| Bekas anggota | Raisa Dito Adhikari Deryansha Satryanda Wijanarko |
Vierratale (dulu namanya Vierra) ya entu band pop rock asal Jakarta, Indonesia nyang dibentuk tanggal 3 November 2008. Paguyuban gending enni isinya ada 3 orang yaentu Kevin Aprilio (maen piano & keyboard), Widy Soediro Nichlany (biduan), sama Raka Cyril Damar (main gitar). Musiknya Vierra bisa dibilang bergenre powerpop ama pop rock. Sampe sekarang, mereka udah ngeluarin 3 album: My First Love (2009), Love, Love and Love (2011), sama Evolve (2016).
Cerita Lama
[permak | permak sumber]2008 : Susunan
[permak | permak sumber]Hopengan keempat personel Vierra awalnya deri perhadring mereka di situs jejaring sosial Friendster.[3] Awalnya Kevin barengan ama temen-temennya juga ama Raisa udah duluan bikin paguyuban gending namanya Andante. Tapi kerena Kevin ngerasa kaga cocok, akhirnya Kevin mutusin untuk cabut deri Andante, kaga lama dari entu Andante dibubarin.
Gak lama abis keluar, Kevin punya niatan untuk ngebangun lagi paguyuban gending. Kevin terus ngajak Tryan nyang udah dia kenal duluan, Tryan terus ngenalin Kevin ke Raka buat ngisi posisi gitar. Abis entu mereka bertiga setuju buat bikin paguyuban gending. Trus, masih di dalem Friendster, Raka ngenalin Widy ke Kevin ama Tryan buat ngisi posisi jadi biduan. Kevin yang ngerasa karakter suaranya Widy cocok ama konsep musiknya, terus nerima dia jadi biduan.[4]
Pas lagi ngeja nama, Tryan ngajuin nama "Vierra" nyang artinya "empat".[4] Vierra akhirnya beneran kebentuk bulan November 2008.
Penggantian Nama Vierra jadi Vierratale
[permak | permak sumber]Tanggal 8 Februari 2013, paguyuban gending enni udah woro-woroin nama anyar mereka, yaentu Vierratale. Nama Vierratale sendiri dicomot deri Fairytale nyang artinya dongeng.[5]
Cabutnya Tryan dari Vierratale
[permak | permak sumber]Tanggal 14 Maret 2015, Satryanda Wijanarko atawa lebih populer disapa Tryan sepakat cabut diri deri paguyuban gending nyang dia bikin sendiri barengan ama 3 personel Vierratale nyang laen, alesan cabutnya Trian kerena udah kaga satu visi misi lagi.Wayah gini, Trian barengan bininya lebih fokus ke bisnis online ama keluarga. Meski begitu, kaitan antara Trian ama nyang laen tetep bae-bae aja.
Perkara ama Gonjang-Ganjing
[permak | permak sumber]- Tanggal 6 Juli 2011 Widi diculik seorang pria seragam pada saat naik taksi[6]
- Nama diganti deri Vierra jadi Vierratale lantaran personel Vierra nyang sempet bilang protes ama Musica Studio's nyang kesannya "ngelantarin" Vierra, sampe akhirnya Vierra nyatain cabut deri label Musica trus masup ke label Aprilio Kingdom nyang dikepalain ama Kevin Aprilio sendiri.
Anggota Band
[permak | permak sumber]Anggota tetap
- Kevin Aprilio – kibordis, piano, biduan latar (2008–sekarang)
- Widy Soediro Nichlany – biduan gacoan (2008–sekarang)
- Raka Cyril Damar – gitaris utama (2008–sekarang)
Anggota tambahan
- Ryan Hazairin Rahman – drummer (2015–sekarang)
Mantan anggota
- Raisa – biduan gacoan (2008)
- Dito Adhikari – gitaris ritme (2008)
- Deryansha – bassis (2008–2010)
- Satryanda Wijanarko – drummer, biduan latar (2008–2015)
Daptar Rekeman
[permak | permak sumber]- Album
- My First Love (2009)
- Love, Love and Love (2011)
- Evolve (2016)
Ruju'an
[permak | permak sumber]- ↑ "Biografi Vierra". MySpace.com. Dipungut 2011-05-21.
- ↑ "Info Vierra". Facebook.com. Dipungut 2011-05-21.
- ↑ "Bio Vierra". KapanLagi.com. Dipungut 2011-05-21.
- ↑ a b "Artis Musica – Vierra". Musica-Studios.com. Dipungut 2011-05-21.
- ↑ "Vierra Ganti Nama Jadi Vierratale". Inilah.com. Diarsipin deri nyang asli tanggal 2013-02-12. Dipungut 2013-02-14.
{{cite web}}: Unknown parameter|dead-url=ignored (|url-status=suggested) (pertulungan) - ↑ http://hot.detik.com/read/2011/07/06/191405/1676143/230/ini-dia-kronologi-penculikan-widi-vierra?h990101mainnews