Uya Kuya
Uya Kuya | |
|---|---|
 Uya Kuya jadi Anggota Majelis Permusyawaratan Rakyat Republik Indonesia dari taun 2024 sampe 2029 |
Surya Utama, atawé yang dikenal amé nama Uya Kuya, lahirnyé 4 April 1975. Presentér, penyiar radio, pemain pilm, pelawak, penyanyi, rappér, amé politikus dari Indonesia. Dié kesohornyé jadi anggota grup vokal Tofu Reunion. sekarang ini, dia megang jabatan jadi anggota Dewan Perwakilan Rakyat (DPR RI) sejak 2024 ngewakilin daerah pemilihén DKI Jakarta II."
Karier
[permak | permak sumber]Uya ngawalin karirnyê ngikutin Fèstival Tenda Mangkal Prambors, abis itu die mènang di katègori Akapèla, abis juara die jadi sèorang pènyiar radio di sèbuah stasiun radio Jakarta amè jadi figuran di bèrbagai acara tèlèpisi, salah satunyè Spontan. Die sempet ngebèntuk grup vokal akapèla, namanyè MT Voices barèng tèmennyè amè die sempet aktip gabung bèbèrapa grup musik. Die sèmpèt aktip jadi sèorang pènyiar radio di sèbuah stasiun radio Jakarta sèlama 10 taon. Salah satu profèsi die sèmpèt gelutin pas masih mahasiswa.
Uya tèrjun jadi Prèsènter di bèbèrapa acara tèlèpisi. Nah, pèkèrjaan ini emang masih digèlutin ampe sekarang, sebelum terbentuknye Tofu, die udah dikenal jadi prèèsènter top di papan atas. Abis itu, die sempet tèrjun jadi master of cèremony bèrbbagai acara. Popularitasnye makin naek setelah bawain bèbèrapa acara tèlèpisi tèrkenal kayak Uya Emang Kuya, Dahsyat, Super Deal, ame Eat Bulaga! Indonesia. Kèsuksesan die jadi prèsènter diakuin lewat sejumlah pèghargaan, tèrmasuk Pèmbawa Acara Realitas Tèrfavorit di Panasonic Gobel Awards taon 2010 ame 2011, Pèmbawa Acara Talkshow Hiburan Tèrfavorit di taon 2012, sèrta Pèmbawa Acara Paling Ngetop di SCTV Awards 2012. Acara Rumah Uya yang dibawain die juga bèhasil dapet pènghargaan Program Talkshow Tèrfavorit di Panasonic Gobel Awards 2017. Di taon yang sama die juga nèrima pènghargaan jadi Pèmbawa Acara Kuis/Game Show Tèrpaporit.
Die sèmpèt tèrjun ke dunia maen pèran, dimulainnye jadi figuran di acara Spontan. Abis itu, die sèmpèt jadi pèmèran pèndamping di sinètron Gerhana. Selain itu, Uya juga ikut di pilm Cinta 24 Karat (2003). Die juga maen di pilm Bad Wolves (2005) nèmènin aktor Sultan Djorghi, Baim, amé Indra Bekti. Die juga aktif solo karir abis keluar dari Tofu, ngeluarin lagu soundtrack pertame die album soundtrack pilm Cinta 24 Karat. Selain itu, die juga jadi Produsèr ame pèncipta lagu buat album itu. Die ngeluarin album pertame ame terakhir, namanye Playboy Insyaf, dikeluarin taon 2006. Sèbelum tèrjun ke dunia èntèrtènment, die sèmpèt kèrja di sèbuah pèrusahaan pèriklanan tapi kgak tahan lama, salah satu profèsi die sèmpèt gelutin di luar dunia hiburan. Uya juga aktif jadi pèngusaha, punya bèbèrapa bisnis, kayak showroom mobil, bètèrnèk ikan Louhan, usaha nangkèp kucing ras, ame juga usaha pisang goreng Pontianak. Usaha pisang gorengnye yang dikasi nama Mr. Banana udah punya 8 toko, tapi usaha pisang itu kagak tahan lama. Kèmudian die juga buka rèstoran jèpang ame usaha spa. Taon 2022, Uya Kuya nyoba nasib di dunia politik ame gabung ame Partai Amanat Nasional (PAN). Di Pèmilihan Umum 2024, die bèhasil kepilih jadi Anggota DPR RI pèriode 2024–2029 abis dapet 81 ribu suara.
Bikin Ribut
[permak | permak sumber]Uya Kuya bikin ribut pas bikin konten jogèt 'Dikira Rp3 Juta Itu Gede'. Tanggal 30 Agustus 2025, ratusan orang ngumpul di rumah Uya Kuya di Duren Sawit, Jakarta Timur. Kabarnye, massa masuk ke rumanye abis ngerobohin pagèr, sambil teriak 'Hancurin', amé rumanye dijarah barèng kucing pèliharaan, sèpu lidi, amé rak pakaian. Uya Kuya ngomong kalo die amé keluarganye baik-baik aé, amé udah nèrima kejadian itu, mèski sèdih karna kucingnye juga dijarah.
Partai Amanat Nasional trus ngebèrènti'in Uya Kuya barèng Eko Patrio amé pimpinan DPR berentiin gaji amé tunjangan Uya Kuya barèng Ahmad Sahroni, Nafa Urbach, Eko Patrio, amé Adies Kadir.