Uniwersitèt Palestèn
| Type | Partikelir |
|---|---|
| Established | 2005 |
| Chairman | Imad Al Agha |
| President | Salem A. Sabbah |
| Chairman of Board of Trustees | Farouq Momtaz Alfranji |
| Location | , , |
| Website | up.edu.ps |
 | |
Uniwersitèt Palestèn (lèter pèndèk UP, hurup Arab Gundul: جامعة فلسطين) ièlah atu uniwersitèt partikelir nyang ada di Al-Jahra, Jalur Gajah, Palestèn.[1] Ni uniwersitèt baru dikeja taon 2005, nyang bikin dia sala atu jejegan didikan tinggi paling baru di Gajah.
Ni uniwersitèt ada punya tuju kolése, nyang juga' nawarin empat program diploma non gelar dua taonan, selaèn program setandar gelarnya nyang empat taonan. Kantor utama uniwersitèt enni ada di Al-Jahra, ama ada juga' kantor-kantor cabangnya di Han Yunis ama Bét Lahia.[2] Uniwersitèt enni ada gableg sistim bèasiswa utama nyang dasarnya préstasi, jumblah bantuannya banyakan tergantung ama sekor tés Tawjihi murid-murid. Selaèn entu ada juga' bantuan keuangan bakal kuarga alumni UP.[3]
UP ada nyediain penyimpenan aksès terbuka (open access repository) buat hasil-hasil karya ilmiah deri pusat riset, pengajar, atawa mahasiswa, tambahan lagi udah diterbitin juga' materi terbuka basa Arab nyang èntèng bakal dicomot (Arabic Lightweight OpenCourseWare). Pasilitasnya enni uniwersitèt selaèn stadion, dia ada juga' klinik hukum, klinik-klinik medis, Sintrem Kepasèhan Basa Inggris (English Language Proficiency Center), perpustakaan nyang gableg 30 ribu buku, ama kantor teknik.[4]
UP bikin kerjasama bareng beberapa uniwersitèt antérobangsa, terutama di Wètan Tenga, di antaranya Uniwersitèt Kairo, Uniwersitèt Aleksandria, Uniwersitèt Antérobangsa Daffodil di Bangladès, Uniwersitèt Barcelona, èn laèn-laènnya.[5]
Kampus utama UP ancur kena bom ama militèr Isroèl pada tanggal 17 Januari 2024.[6][7]
Ruju'an
[permak | permak sumber]- ↑ "University of Palestine | Higher Education and research for Sustainable Development". iau-hesd.net. Dipungut 2024-11-27.
- ↑ "Admissions - University of Palestine". en.up.edu.ps. Dipungut 2024-11-25.
- ↑ "Grants & Loan Programs at University of Palestine". University of Palestine. Dipungut 2024-11-25.
- ↑ "University of Palestine - More Centers". en.up.edu.ps. Dipungut 2024-11-25.
- ↑ "Partners - University of Palestine". University of Palestine. Dipungut 26 November 2024.
- ↑ "Which universities in Gaza has Israel destroyed?". Middle East Eye (dalem basa Inggris). 2024-05-15. Dipungut 2024-11-25.
- ↑ "Israel-Hamas War: Neighbourhood in southern Gaza in ruins after Israeli bombardment". EuroNews. 2023-10-22. Dipungut 2024-11-25.