Uniwersitèt Oksped
Uniwersitèt Oksped (hurup Arab Gundul: اونيورسيتت اکسفرد; Inggris: University of Oxford; Latèn: Universitas Oxoniensis) ièlah atu uniwersitèt nyang ada di Oksped, Inggris. Ni uniwersitèt – uniwersitèt paling kolot seantéro alam pengomong basa Inggris. The Times Higher Education World University Rankings punya kata bilang, "ni uniwersitèt – uniwersitèt paling ajib di dunia" selamanya tahon 2000-an.
Ni uniwersitèt ada punya 39 kolése ama lima paséban partikelir. Ni kolése kabèhannya pada gableg dia punya gedong sendèwèk ama pegawéanya. Uniwersitèt Oksped gènèngan rada bèda deri banyak uniwersitèt modèren nyang mana semua mahasiswanya pada tinggal di kampus. Uniwersitèt Oksped kaga' gableg kampus acan, biar kata mah ada berapa tempat ngamprog bakal mahasiswa deri laèn-laèn kolése bakal ngamprog di situ (tuladnya, bibliotik).
Bibliotik Bodelé (dibikin tahon 1602) ièlah Uniwersitèt Oksped punya bibliotik utama, èn atu deri bibliotik paling kolot di Èropa. Sebagé lagi, ni bibliotik – bibliotik paling gedé nomer dua di Kerajaan Rempug abisannya Bibliotik Brit.