Tempoyak
Tempoyak entu makanan khas nyang asalnya dari durén, enni tempoyak has dari Jambi,[1] tapi kaga' cuman di Jambi, ada juga di daérah lain macem Palembang. Namanya diambil dari kata poyak, nyang maksudnya ngoyak daging durian pas lagi dibikin.[2] Meskipun makanan enni dapet ditemuin di macem-macem daerah laén, versi Jambi punye ciri khas nyang ngebedain die. Salah atu kelebihan utame ada di pemilihan durian nyang dipake ama teknik fermentasi tradisional nyang uda diwarisin turun-temurun. Durian nyang dipake di Jambi dipilih ama cermet buat ngehasilin rase nyang lebih berade ame arome nyang lebih kuat, ngasiin nuansa nyang laén dari tempoyak daérah laén.[3]
Buat kalangan penduduk Jambi sekitarnya, tempoyak entu salah atu makanan favorit nyang sering disajiin dalem macem-macem kesempatan. Be’in di acara-acara gede, macem perkawinan, tasyakuran, bebuka puase ame acara-acara budaya lainnya, makanan enni sering dijumpe’. Rasa ama arome die nyang khas ngebuat enni makanan banget didemenin ama penduduk Jambi.[4]
Cara bikin
[permak | permak sumber]Pertamanyé durian dikupas dulu, dagingnyé diambil, abis entu dimasukin ke wadah nyang rapet, ditutup bener-bener, terus didiemin kira-kira seminggu. Selama didiemin entu, durian jadi ferméntasi, makanyé tempoyak baunya nyegrak bener, rasanya asem nendang.[4] Durian nyang udah difermentasi entu jadinye tempoyak, terus bisa diolah lagi campur bahan laén. Biasanye dipake buat campuran masakan, salah satunye gulai. Dari situ keluar rasa ama aroma baru nyang bikin masakan jadi tambah sedep dan beda dari nyang laen.