Stapsiun Lemahabang

Stasiun Lemahabang (LMB) (Arab gundul: ستفسيون لمه ابڠ) nya'entu atu stapsiun sepur golongan III/kecit nyang ngejogrog di Simpangan, Cikarang Elor, Bekasih . Enni stapsiun, nyang nangkring di ketinggian +16 m, masup ke Daèrah Operasi Jakarta I. Enni stapsiun punya nama tuh asalah deri nama lama kecamatan tempat enni stasiun ngejegir. Deri mula Kecamatan Lemahabang dimegarin jadi Cikarang Wètan, Sintrem, Kidul, ama Elor dengen kuarnya Peraturan Daèrah No. 26 taun 2001, nama Lemahabang jadinya ora dipaké lagih, cuman dipake bakal nama enni stasiun ama jalan besar nyang motong jalan sepur entu doangan. ^[1] Enni stapsiun tuh ada di seberang pasar Lemahabang èn Jalan Urip Sumohardjo ( Jalan Pantura ).

Gedong ama lokalan

Enni stapsiun gableg mpat biji jalan sepur, nyang nomer 2 ama 3 nya entu nyang bakal sepur lempeng. Panjang pèron enni stapsiun tibang kira-kira tiga perapat deri panjang pèron setandar alatan di lebah kulon ada jalan besar Lemahabang nyang nyebrangin jalan kereta, mirip ama nyang ada di Stapsiun Gedangan èn Cilamé . Lantaran entu, pas lagi sepur berenti, sebagéan kerétanya bakalan ngalingin entu persimpangan. Entar mah, entu jalanan bakal dikeja' terowongan atawa sasak layang bagèn sepur nyang neba' entu ora ngalingin jalan besar, lagi bè bisa ngurangin waktu jalan mao bakal sepur atawa kendaraan jalan besar gè. Wayah gini mah, enni proyèk terowongan bawah tanah udah masup ke rencana induk Pemerèntah Kabupatèn Bekasih .

Ke lebah kulon deri jalur 4 enni stapsiun, ada cagak ke Pelabuhan Kering Cikarang Jababèka (Pelabuhan Daratan Cikarang) bakal angkutan konténer deri Stapsiun Pasoso, Stapsiun Sungé Lagoa, atawa Stapsiun JICT Tanjung Priuk . Sepur konténer enni udah jalan semprakan ahir 2012. ^[2]

Gambaran

Stapsiun Lemahabang ( 9 Mei 2012 )
Stasiun Lemahabang (28 April 2014)
Stapsiun Lemahabang ( 28 April 2014 )
Ujung pèron kulon Stapsiun Lemahabang
Ujung pèron kulon Stapsiun Lemahabang
Peron sisi barat dari perlintasan sebidang yang membelah peron Stasiun Lemahabang menjadi dua
Pèron lebah kulon pelintasan selokal nyang ngebelèk pèron Stapsiun Lemahabang jadi dua

Ruju'an

↑ "Menilik sejarah Lemahabang dibalik usulan pergantian nama Stadion Wibawa Mukti". www.urbancikarang.com. Diarsipin deri nyang asli tanggal 2018-11-03. Dipungut 2021-06-16.
↑ "Layanan Satu Atap di Cikarang Dry Port | The President Post Indonesia". old.presidentpost.id (dalem basa American English). Diarsipin deri nyang asli tanggal 2018-05-04. Dipungut 2018-05-04. {{cite web}}: Unknown parameter |dead-url= ignored (|url-status= suggested) (pertulungan)

[1] "Menilik sejarah Lemahabang dibalik usulan pergantian nama Stadion Wibawa Mukti". www.urbancikarang.com. Diarsipin deri nyang asli tanggal 2018-11-03. Dipungut 2021-06-16.

[2] "Layanan Satu Atap di Cikarang Dry Port | The President Post Indonesia". old.presidentpost.id (dalem basa American English). Diarsipin deri nyang asli tanggal 2018-05-04. Dipungut 2018-05-04. {{cite web}}: Unknown parameter |dead-url= ignored (|url-status= suggested) (pertulungan)

[1]

[2]