Spider-Man

Spider-Man, Sepidermén, Orang Laba'-laba' , atawa Mat Gonggo'^[1]^[2] ntu Komik Marvel punya jago-sakti bo'ongan. Spider-Man ntu dibikin ama Stan Lee nyang jadi mualipnya, juga barengan ama Steve Ditko nyang jadi tukang gambarnya di taon 1962 dalem komik nyang bejudul Amazing Fantasy #15. Sepidermén ntu sala atu jago-sakti bo'ongan paling kesohor seantèro negeri.

Jembrengan

Aslinya dia punya nama ntu Petrus Benyamin Parker, bocah baru balèg kelewat pinter nyang kerjaannya jadi tukang poto bakal koran Daily Bugle. Dia ntu yatim piatu nyang dipiara ama ncangnya, Benyamin Parker, ama bininya May Parker. Ceritanya nyeritain pegimana dia nyang ntu bocah baru balèg ngadepin idup sari-ari sementara dia punya tanggung jawab gegara punya kesaktian.

Sepidermén ni punya kesaktian lelabah gegara kena gigit lelabah radioaktip, kaya' bolè nempel di dinding ama punya indera keenem nyang namanya indera lelabah. Dia juga orangnya kuat be'eng, bisa nahan macem-macem benda nyang segede-gede gaban. Biasanya Sepidermén punya seragam ntu warna mèrè ama biru, kadangan juga dia pake warna item, udè gitu adè batik jaring lelabahnya ama lambang lelabah di dia punya ulu ati.

Ruju'an

↑ Chaer, A. (2009). Kamus Dialek Jakarta. Masup Jakarta. "Gonggo /goonggoo/sb laba-laba."
↑ Haq, H. (2014). Pangkeng Kumpulan Cerita Pendek Betawi. PT Actual Potensia Mandiri.

[1] Chaer, A. (2009). Kamus Dialek Jakarta. Masup Jakarta. "Gonggo /goonggoo/sb laba-laba."

[2] Haq, H. (2014). Pangkeng Kumpulan Cerita Pendek Betawi. PT Actual Potensia Mandiri.

[1]

[2]