Loncat ke isi

Sio

Deri Wikipédi
Gambar satwa-satwa nyeng ada di sio.

Sio atawa satwa taonan Tionghoa tu semacem penggolongan terdisionil nyeng ngejuntrung tanggalan Tionghoa nyeng ditengerin ama satwa èn ngulang-ngulang saben taon selama 12 taon.[1] Sio bekèn pisan di terdisi orang Tionghoa èn jadi bayang-bayang bakal palsapah èn budaya Tionghoa.[2] Dalem primbon Tionghoa, katanya sipat-sipat orang tu ada juntrungannya ama dia pada sio.[3] Aslinya deri Tiongkok, ni sio ada macemnya di negeri-negeri di Asia Wètan èn Asia Kidul-wètan, tulad, Nipong,[4] Koréa Kidul,[5] Pètnam, .[5] Singapur, Nèpal, Butan, Kemboja, èn Muang-Tay.[6]

Kalo dilongok, sio tu ada miripnya ama bintang 12: dua-duanya dibagi jadi 12 nyeng ngulang-ngulang, kebanyakan ditengerin ama satwa, èn dipaké bakal nerawang sipat-sipat. 12 satwa sio Tionghoa ga' cuman bakal tengerin taon Tionghoa, tapi juga dicayain bakal ngaru-ngaruin orang punya sipat, gawéan, kecocokan, mas'alah kawin, èn hoki.[7]

Sejarah

[permak | permak sumber]

Ngejuntrung ke cerita lama, Jade Emperor nanggap atu lomba bakal satwa nyeng bawa hoki bakal ditaro di tanggalan. Nyeng menangin tu lomba – curut – dijadiin satwa mulaan bakal tu 12 taon nyeng ngulang-ngulang.[8]

Takanu, ngejuntrung rekam sejarah èn pengajian, sio tu nongtot abis dilakoninnya "Wèt tanggalan Ganji", terus masing-masing deri 12 satwa tu dicabangin ke 12 cabang. Orang nyeng berojol saben taon ada ngebawa atu satwa.

Di Kekijiran Han Wètan, Hu Sim ngomong kalo hurup si (巳) tu gambarin hatu ula, tu juga sama bakal hai (亥) èn shi (豕; 'cèlèng'). Sempragan 12 cabang kebumian deri sio gampang banget ngeja kèder, orang-orang gantiin ama satwa nyeng pas ama cabang kebumian.[9]

Tenger

[permak | permak sumber]
Batu nyeng nyiplak sio.
Patung nyeng nyiplagin tanggalan satwa deri kèrè nganan: siluman pala macan, siluman pala liong, siluman pala ula, siluman pala kunyuk, èn siluman pala ayam. Jaman kekijiran Tang. Musée Cernuschi

Sio mulainnya deri curut. 12-12 tenger sio ni ngewakilin sipatnya kendiri (batang langit, cabang kebumian, Im dan Yang (Yin dan Yang), Segitiga, and unsur alam).[10] kecayaan kalo saben orang èn saben satwa ada punya lakon bakal maèn kecocokan masarakat dijuntrungin ama kecayaan orang Konghucu dalem masarakat nyeng merèrod. Cumang dengen kecayaan Konghucu terus-terusan cenggableg di Asia wayah gini berèndèngan ama cara pikir orang-orang wayah gini, mangkanya tu sio masing dipaké.

Nomer Betawi Satwa cabang kebumian Im/Yang Segitiga unsur alam
1 Curut 鼠 shǔ 子 zǐ Yang pertama Aèr
2 Bantèng 牛 niú 丑 chǒu Im kedua Tana
3 Macan 虎 hǔ 寅 yín Yang ketiga Kayu
4 Kelènci 兔 tù 卯 mǎo Im keempat Kayu
5 Liong 龍/龙 lóng 辰 chén Yang pertama Tana
6 Ula 蛇 shé 巳 sì Im kedua Api
7 kuda 馬/马 mǎ 午 wǔ Yang ketiga Api
8 Kambing 羊 yáng 未 wèi Im keempat Tana
9 Kunyuk 猴 hóu 申 shēn Yang pertama Besi
10 Jago 雞/鸡 jī 酉 yǒu Im kedua Besi
11 Anjing 狗 gǒu 戌 xū Yang ketiga Bumi
12 Babi 豬/猪 zhū 亥 hài Im keempat Aèr

Dalem èlmu nujum Tionghoa, satwa-satwa ditengerin bakal taon buat ngewakilin pemahaman orang laèn. Keselangsurupan nyeng lumbrah bakal satwa-satwa taonan cuman dikira tenger doang, lanjutnya banyak orang peringgi nyeng ngasih omong kalo sio tu cumang menjuntrungin bakal tatanan doangan. Takanu, ada juga satwa nyeng nengerin bulan (disebut "satwa jero"), nengerin hari (disebut "satwa bener"), èn nengerin jem (disebut "satwa resia"). Bumi tu kabèhan ada 12 tenger ama 5 usum.

Michel Ferlus (2012) nyeratin kalu nama-nama kolot deri cabang kebumian tu aslinye deri setilah Ostro-Asiatik. [11] Penyerambahan bakal Ferlus ama nama-nama kolot nyeng dicatut deri Baxter èn Sagart (2014) bisa dilongok di bawa: [12]

Takanu, ada juga kata nyeng juntrungin Ostronési: There is also a lexical correspondence with Austronesian:[11]

Setilah deri cabang kebumian dilongok deri kekijiran Siang punya batu tulis èn meureunan dipaké sebelon jaman Siang. Ferlus (2013) nyaranin kalo setilah kolot sebelon jaman Siang dipinjem deri omong Ostro-Asia nyeng ngejeprah di daèra kali Tiongkang (kali Yangse).[11]

Ruju'an

[permak | permak sumber]
  1. ↑ "The Chinese Zodiac". Timothy S. Y. Lam Museum of Anthropology (dalem basa Inggris). Dipungut 2023-12-27.
  2. ↑ "Chinese Zodiac | Home". UW Departments Web Server. Dipungut 2023-12-27.
  3. ↑ Gao, Jinlin; Joh, Yoon-kyoung (2019-04-30). "Chinese Zodiac Culture and the Rhetorical Construction of A Shu B, C" (PDF). Lanaguage Research (dalem basa Inggris). 55 (1). Seoul National University: 2. doi:10.30961/lr.2019.55.1.55. Diarsipin (PDF) deri nyang asli tanggal Jan 6, 2024.
  4. ↑ Abe, Namiko. "The Twelve Japanese Zodiac Signs". ThoughtCo (dalem basa Inggris). Diarsipin deri nyang asli tanggal 2017-10-14. Dipungut 2019-07-16.
  5. ↑ a b "Chinese Zodiac and Chinese Year Animals". astroica.com. Diarsipin deri nyang asli tanggal 2011-03-24. Dipungut 2019-07-16.
  6. ↑ "Animals of the Thai Zodiac and the Twelve Year Cycle". Thaizer (dalem basa Inggris (Britani)). 2011-09-08. Diarsipin deri nyang asli tanggal 2012-08-14. Dipungut 2019-07-16.
  7. ↑ "Chinese Zodiac: 2024 Year of Dragon, 12 Animal Signs, Calculator". www.travel china guide.com. Dipungut 2023-12-26.
  8. ↑ Markarian, Taylor (2023-08-12). "The 12 Chinese Astrology Signs and What They Mean for You". Reader's Digest (dalem basa American English). Dipungut 2023-12-26.
  9. ↑ "The origin of the twelve zodiac signs is like this". author.baidu.com (dalem basa Tionghoa). 2020-10-22. Dipungut 2023-12-26.
  10. ↑ Theodora Lau, The Handbook of Chinese Horoscopes, pp. 2–8, 30–35, 60–64, 88–94, 118–124, 148–153, 178–184, 208–213, 238–244, 270–278, 306–312, 338–344, Souvenir Press, New York, 2005
  11. ↑ a b c Ferlus, Michel (2013). The sexagesimal cycle, from China to Southeast Asia. 23rd Annual Conference of the Southeast Asian Linguistics Society, May 2013, Bangkok, Thailand. <halshs-00922842v2>
  12. ↑ Baxter, William H.; Sagart, Laurent (2014). Old Chinese: A New Reconstruction. Oxford University Press. ISBN 978-0-19-994537-5.
Didapetin deri https://bew.wikipedia.org/w/index.php?title=Sio&oldid=26916