SimCity
SimCity entu gim delengan ngebangun-bangun kota nyang dikembangin ama Will Wright, nyang gim pertamanya dijebrolin ama Maxis taun 1989 di Amrik Serèkat.
Cara maèn
[permak | permak sumber]Tujuan gim ya'entu ngebangun daèrah-daèrah kayak daèrah peruma'an, industri ama dagang. Selaèn entu lu juga nambain gedong-gedong, ngubah belasting, ama ngatur selenètan lèstrik, biar orang-orang pada tinggal di mari. Nyang maèn juga kudu ngurusin hal-hal laèn kaya' lalu lalang gandaran èn tingkat kejahatan. Nyang maèn juga ngadepin bencana alam kaya' banjir, angin muter, kebakaran, ama lindu.
Gim enni bekèn lantaran kaga' ada menang atawa kalah kaya' gim delengan galibnya wayah ntu.
Sejarah
[permak | permak sumber]Will Wright dapet ilham ngebikin gim SimCity seabis ngejain pèta di gim Raid on Bungeling Bay,[1] nyang mana di gim ntu lu kudu ngebom gedong-gedong nyang ada di pulo pakè. Dia ngomong kalo dia lebi demen wayah dia mermak pèta di gimnya daripada maènin gim aslinya.
Budèl
[permak | permak sumber]SimCity ngebrojolin gim-gim lanjutan, tuladnya kayak gim ngebangun Bumi SimEarth, gim pertanian SimFarm, gim ngebangun kota kecil SimTown, gim balapan mobil Streets of SimCity, gim hèlikupter SimCopter, gim semut SimAnt, gim èlmu hayat SimLife, gim ngebangun pulo SimIsle, gim ngebangun menara SimTower, gim ngebangun taman sional SimPark ama SimSafari, èn gim penironan idup The Sims.
Ruju'an
[permak | permak sumber]- ↑ Keighley, Geoff. "SIMply Divine". Gamespot.com. Diarsipin deri nyang asli tanggal 2010-01-04. Dipungut 2025-03-07.