Setètèn

Kota Setètèn di atas Kali Oder diimpleng dari atas

Setètèn atawa Setètin (hurup Arab Gundul: ستيتين‎ ; Pol: Szczecin; Dèt: Stettin; Welanda: Stettijn) entu ibu’ negerinya ama kota paling gedénya Keulubalangan Pomèren Kulon di belah penjuru ilirnya Polen. Selaèn pernahnya nyang di pinggiran Laot Baltik ama batian ama Dètselan, ni kota juga’ – bandar gedé, kota paling gedé di Polen penjuru ilir, ama kota paling gedé ketujuh di Polen. Wates 31 Désèmber 2022, orang nyang pada ngejedok di mari ada 391.566 orang.