Serani

Agama Serani atawa Krèsten entu atu agama tauhid Ibrahimiah kebongkotan ama Yèsus punya riwayat idup èn ajaran, nyang juga' jadi biangnya eni agama. Agama Serani juga' jadi agama paling gedénya sedunia, dengen lebi dari 2.5 miliar atawa 2,6 miliar orang nyang ngrikutin, atawa nyaris sepertiganya deri penjogrog sedunia, nyang juga' digero "kaum Serani". Orang Serani taunya entu Yèsus, mah, Tuhan punya Anak ama Tukang Nyelametin segenep manusia nyang dateng jadi Mèsias, kaya' nyang dibilang ramal-ramalan Kitab Mugadas Wasiat Kolot.