Selèndang mayang
Selèndang mayang (tulisan Arab gundul: سلندڠ مايڠ) atawa kot-kotan dibilang ongol-ongol pecak (tulisan Arab gundul: اوڠول٢ فچق) nya'entu atu ès manis cara Betawi. Enni daharan entu dikeja'nya deri tepung hunkue, aci, ama tepung beras diaduk-adukin. Diadonin terus dicitak maké loyang lèbar. Abis entu, entu kué dipotongin keja' kecit-kecit terus bakal ndaharnya entu dipakéin santen ama aèr gula.
Dia punya warna ijo ama mèra entu dapetnya deri sepuhan bakal makanan. Enni sepuhan tuh kaga' diaduk di dalem adonan. Malah gé entu sepuhan warna nyeng udah dicaèrin entu dipulasin di loyang sebelonan entu adonan dituangin ke dalemnya. Terus abis entu adonan kué diratain, atasnya dipulas lagi maké sepuhan warna mèra. Jadi baé entu selèndang mayang warnanya ijo ama mèra.
