S Gegge Mappangewa

Sabir ST, atawa lebih kesohor ama nama pénanya S Gegge Mappangewa, nya'entu atu tukang tulis asal Sulawési Kidul. Dia lair di Sidènrèng Rapang, tanggal 31 Desember 1974. Dia entu alumni Teknik Mesin deri Uniwersitèt Muslim Indonesia. Sekarang enni, dia kerja jadi guru ama kepala sekolah di Kepala Sekolah SMA Plus Al-Ashri Global Mandiri Makassar. Sebagé penulis, dia udah nerbitin lebih deri 40 judul buku èn lebih dari seratus cerpèn nyang udah dimuat di majalah-majalah kaya' Aneka Yess, Annida, Anita Cemerlang, Femina, Republika, Tabloid Nova, Keren Beken, Bobo, èn banyak lagi dah.

S. Gegge Mappangewa dapet banyak penghargaan di dunia kepenulisan, nya'entu Pemenang Sayembara Gerakan Literasi Nasional 2017, 2018, 2019, 2020, ama 2021 (Badan Pengembangan dan Pembinaan Bahasa), Juara I Lomba Penulisan Cerita Rakyat (Kemendikbud 2015), Peraih Penghargaan Sastra Acarya 2015 (Badan Pengembangan dan Pembinaan Bahasa), Juara I Kompetisi Tulis Nusantara (Kemenparekraf 2014), Peraih IBF (Islamic Book Fair) Award 2013, Juara I Lomba Menulis Novel (Republika 2011), èn masing banyak lagi penghargaan nyang dia dapet. Selaèn entu, S. Gegge Mappangewa juga' kepilih secara bulet sebagé Ketua Umum Forum Lingkar Pena (FLP) période 2021-2025.

S Gegge Mappangewa saat enni tinggal di Makassar bareng istri Nuvida RAF ama anaknya nyang namanya Mahfudz Sabda Mappunna.

Wawasan penulisan

Sebagé pegiat literasi èn Ketua Forum Lingkar Pena (FLP), S Gegge Mappangewa sering ngebagiin berbagé kiat menulis kepada umum maupun anggota FLP. Dalam acara di FLP Sidoarjo tanggal 7 Januari 2022, dia ngasih wawasan cara nulis nyang efektif ama strategi bakal menangin lomba nulis. Dia nyaranin kalo tukang tulis tuh kudu rajin baca, buat ningkatin teknik nulis ama ngembangin sumber ide deri pengalaman pribadi, bacaan, atawa tontonan. Dia kata kalo bikin judul entu kudu menarik tapi kaga' ampé ngebocorin isi cerita, ama pentingnya ngembangin ide dengan perhatian ampé ke hal nyang kecil-kecil, misalnya kaya' latar, profesi tokoh, èn apa aja kearifan lokalnya. Conto jelasnya latar nyang kuat èn kaga' bisa digantiin, misalnya kaya' di novel Ayat-Ayat Cinta, latar entu bakal ngasih kedalaman ke ceritanya. Selaèn entu dia juga' nyaranin supaya tukang tulis kudu mesti netepin target nulis nyang jelas, baik entu kapan bakal ngirim karya ke média atawa bakal menang lomba nyang mana. Dia kata, motivasi ama deadline entu penting dalam rangka nyeleséin atu karya penulisan.

Karya

Beberapa karya-karyanya nyang bekèn, antara laèn:

• Lontara Rindu (2012) – dengan rata-rata rating 3.82, jadi salah atu karya nyang dihargain pembaca.

• Suparman Pulang Kampung (2007) – atu karya kolaborasi bareng penulis laèn, dapet rating 3.06.

• Ayah, Aku Rindu – buku enni dapet rating 4.31 karena ngangkat tema hubungan ayah ama anak nyang emosional.

• Sabda Luka: Calabai, Sepasang Merpati Tanpa Dara (2018) – dengan rating 4.00, buku enni banyak dapet apresiasi.

• Sajak Rindu (2016) – karya sair dengan rating 3.61.

• Cupider-man 3G (2008) – karya humoris dengan rating 4.09.

• Sayat-Sayat Sunyi – karya enni dapet rating 3.73 dengan tema kesepian èn pencarian diri.

• Cupiderman 4G – lanjutannya serial Cupider-man nyang juga' dapet rating 4.00.

• Sajak Rindu: Lantara Cinta dari Sidenreng – karya sair nyang belom ada ratingnya.

S Gegge Mappangewa saat enni masing terus berkontribusi dalam dunia sastra Indonésia, lewat karya-karya nyang kaga' cuman ngibur, tapi juga' ngedorong para pembacanya buat ngerenung lebih dalem tentang idup, cinta, èn kemanusiaan.