Rumah Adat Saung Ranggon

Saung Ranggon (Basa Sunda: ᮞᮅᮀ ᮛᮀᮌᮧᮔ᮪) nya'entu salah atu rumah adat di Désa Cikedokan, Kecamatan Cikarang Kulon, Kabupatèn Bekasih, Propinsi Jawa Kulon, Indonésia . Enni rumah terdisionil gableg nilé riwayat sejarah èn budaya nyang penting pisan, utamanya pekara wayah perjuangan orang-orang situh pas ngelawan penjajahan Welanda. Saung Ranggon digero' jadi conto modèlan gedongan terdisionil nyang nampilin campuran unsur budaya Betawi ama Sunda, èn ngegambarin kearipan lokal masarakat di be'ilir Jawa Kulon lagi jaman dulu. ^[1]

Ètimolohi

Nama Saung Ranggon muasalnya deri dua kata Sunda, nya'entu saung nyang belarti "rumah kecit" èn ranggon nyang belarti "lumbung padi" atawa tempat nyimpenin asil tani deri taneman palawija . ^[2] Kalu maké cara harpiah, Saung Ranggon bisa diartiin jadi "rumah nyang dipaké bakal nyimpen beras". ^[1] Enni nama entu boléh ngasih Raden Abbas lagi taon 1821 M, sebagé tanda pungsi awal entu gedong bakal kehidupan masarakat tani.

Riwayat

Saung Ranggon kira-kira dikeja' lagi abad ke-16 Masèhi alatan perèntah Pengèran Rangga, salah atu anak lanang Pengèran Jayakerta, tokoh penting bakal riwayat mula-mula Jakarta nyang diem di Cikedokan . Nurutin cerita-cerita orang situ mah, enni rumah mulanya dipaké bakal tempat ngumpet buat kuarga Pengèran Jayakerta pas lagi mabur deri pasukan Welanda nyang nguber-nguber.

Selaèn bakal tempat nyumput, Saung Ranggon gè' dipaké bakal naro' banda pusaka gablekan kuarga darah biru. Enni gedong tuh masing diperaya ama masarakat segutekan situ sebagé tempat besejarah. ^[1]

Ampé enni jaman modèren tuh, Saung Ranggon udah ngeliwatin berabiji cara bakal meraya èn ngukuhin ama pemrèntah situh èn masyarakat segutekanah bakal ngejaga rupa gedonganah tetep aseli èn ongkohan dia punya nilé-nilé sejarah. ^[1]

Tempat èn Kordinat

Di sistim kordinat èlmu bumi, Saung Ranggon ngejogrog di kordinat 107o 0'.204" Bujur Wètan èn 06o 20' 298" Palang Kidul, dengen ketinggian kira-kira 61 mèter di atas aèr laot . Enni tempat nunclo' di segutekan kampungan nyang masing adem ijo di lebah kulon Bekasih.

Ruju'an

1 2 3 4 Parhan, Ade. "Sarat dengan Nilai Sejarah, Saung Ranggon Cikarang Miliki Nilai Perjuangan Warga Melawan Penjajahan Belanda". Pikiran Rakyat Garut (dalem basa Indonésia). Dipungut 2025-10-18.
↑ Dinas Pariwisata dan Kebudayaan Provinsi Jawa Barat (20 Desember 2011). "Rumah Tradisional Saung Ranggon". disparbud.jabarprov.go.id. Diarsipin deri nyang asli tanggal 2021-07-15. Dipungut 15 Juli 2021. {{cite web}}: Check date values in: |date= (pertulungan); Unknown parameter |dead-url= ignored (|url-status= suggested) (pertulungan)

[:2-1] 1 2 3 4 Parhan, Ade. "Sarat dengan Nilai Sejarah, Saung Ranggon Cikarang Miliki Nilai Perjuangan Warga Melawan Penjajahan Belanda". Pikiran Rakyat Garut (dalem basa Indonésia). Dipungut 2025-10-18.

[:1-2] Dinas Pariwisata dan Kebudayaan Provinsi Jawa Barat (20 Desember 2011). "Rumah Tradisional Saung Ranggon". disparbud.jabarprov.go.id. Diarsipin deri nyang asli tanggal 2021-07-15. Dipungut 15 Juli 2021. {{cite web}}: Check date values in: |date= (pertulungan); Unknown parameter |dead-url= ignored (|url-status= suggested) (pertulungan)

[1]

[2]