Ruma panggung Betawi

Tampang depan Ruma Si Pitung, atawa nyang sokan juga' dipoyokin Ruma Tinggi, di Merunda, Jakarta Ilir

Ni ruma panggung Betawi di Kampung Merunda Pulo entu atu deri ruma anak Betawi Pesisir nyang masing ada, cumannya udah kaga' keopènan lagi ama nyang tadinya nungguin

Ruma panggung entu atu deri anak Betawi punya setil ruma, nyang lanténya dinaèkin deri tana maké cagak kayu. Ni ruma punya setil laèn deri ruma darat nyang masing nginjek tana. Ruma panggung Betawi biasanya dicacakin di daèra pesisiran, atawa nembir kali, kaya' di Bekasi. Aselinya, sih, ni ruma punya lanté ditinggiin liar kaga' rèpot kalo kena banjir atawa aèr naèk, juga' biar kaga' disatronin ama héwan liar nyang pada gerayangan.