Loncat ke isi

Ramallah

Deri Wikipedia
Bang Palestèn di Ramallah

Ramallah (hurup Arab Gundul: رام الله; Arab: رام الله Rāmallāh) ièlah atu kota Palestèn di Bantaran Kulon. Ni kota ada di 10 kilomèter (6,2 mil) di lornya Bétulmegedis. Wayah gini, ni kota jadi hopstad secara hakèkat (de facto)-nya Daulat Palestèn, Paguyuban Pembèbasan Palestèn, ama Kewènangan Sional Palestèn. Hopstad konstitusionilnya ada di Bétulmegedis. Ramallah gableg ada 38.000 orang lebi nyang pada ngejedog di mari (2017).[1] Dulunya, Ramallah entu atu kota Serani, cuman wayah gini mah paling banyaknya orang Selam, dengen penduduk Serani cuman 25%-nya.[2][3]

Ni kota punya nama kebikin deri dua kata, nya'entu ram, atu kata basa Aram nyang artinya 'dataran tinggi, gunung', sama Allāh 'Tuhan'. Mugané, artinya "Ketinggian Allah".

Dedengkot Paguyuban Pembèbasan Palestèn, Yasir Arapat (1969–2004), dikuburin di mari di atu makam.

Ruju'an[permak | permak sumber]

  1. "Main Indicators by Type of Locality - Population, Housing and Establishments Census 2017" (PDF). Biro Sintrem Statistik Palestèn (PCBS). Diarsipin (PDF) deri nyang asli per 28 Januari 2021. Dipungut per 12 Oktober 2023.
  2. Hall, Andy. "Quaker Meeting in Ramallah." Ecumenical Accompaniment Programme in Palestine and Israel. Diarsip per 25 Pèbruari 2011, di the Wayback Machine.
  3. Keulemans, Chris. (April 2005). "Imagination Behind the Wall: Cultural Life in Ramallah." h. 2. Diarsip per 6 Oktober 2011, di the Wayback Machine.