Rèpolusi Prasman
Rèpolusi Prasman (Prasman: Révolution française; 1789–1799) entu suatu wayah pergolakan politik dan sosial radikal di Prasman nyang punya pengaruh abadi buat sejarah Prancis, dan lebih jembar lagi buat seluruh Éropa. Eni revolusi bakal jadi salah atu deri revolusi gedé di dunia nyang ngerobahin masarakat punya tatanan kehidupan.[1] Monarki absolut nyang udah ngatur bestir Prasman selama berabad-abad runtuh cuma ampe 3 taon. Rakyat Prasman ngalamain perobahan sosial politik nyang epik; peodalis, aristokrasi, én monarki mutlak dirobohin ama kumpulan politik radikal sayap kiri, ama massa di jalan-jalan, én ama banyak petani deri perdesaan.[2]
Ide-ide lama nyang berhubungan ama tradisi én hirarki monarki, aristokrat, én Gereja Katolik digulingin tiba-tiba lalu digantiin ama prinsip-prinsip anyar; Liberté, égalité, fraternité (kebebasan, persamaan, dan persaudaraan). Lantaran ketakutan ama penggulingan kesebar ke monarki laén di seluruh Éropa, banyak nyang ngelakuin buat balikin monarki lama punya tradisi-tradisi biar ngecegahin pemberontakan rakyat. Eni perbedaan pendapat antara pendukung én penentang Revolusi terus kejadian ampé dua abad.
Kiblik Prasman Pertama didiriin Desember 1792 én Raja Louis XVI dieksekusi setahun abis entu. Perang Revolusi Prasman dimulai taon 1792 dan kelar dengan kemenangan Prasman. Prasman berhasil naklukin Semenanjung Itali, Negara-Negara Rendah, én sebagian gedé wilayah di sebelah wétan Rhine yang jadi prestasi paling gedé Prasman selama berabad-abad.
Revolusi Prasman udah banyak ngasilin dampak buat sejarah Moderen. Pertumbuhan kiblik én demokrasi liberal, pengaruh sekulérisme, ideologi modern, én penemuan gagasan perang total entu beberapa warisan Revolusi Prasman.[3] Kejadian laén nyang tekait ama eni Revolusi nya entu Perang Napoléon, dua peristiwa réstorasi monarki kepisah; Réstorasi Borbon én Monarki Juli, ama dua revolusi lainnya pada tahun 1834 dan Revolusi Prancis 1848 yang bakal jadi Prasman moderen.
Ruju'an
[permak | permak sumber]- ↑ Welianto, Ari. Welianto, Ari (prm.). "Penyebab Terjadinya Revolusi Perancis". Kompas.com (dalem basa Indonésia). Dipungut 2020-08-31.
- ↑ "French Revolution". Diarsipin deri nyang asli tanggal 2013-05-24. Dipungut 2013-05-05.
{{cite web}}: Unknown parameter|dead-url=ignored (|url-status=suggested) (pertulungan) - ↑ Bell, David Avrom (2007). The First Total War: Napoleon's Europe and the birth of warfare as we know it. New York: Houghton Mifflin Harcourt. h. 51. ISBN 0-618-34965-0.
The French Revolution, which began in 1789 and led to the total war of 1792–1815....