Pingpong
Pingpong atawa bola tampèl méja entu gerak badan nyang dimaènin di atas méja ama dua pemaèn pakè' bèt. Tujuan maènin pingpong ntu tampèl bola biar kaga' gableg ditampèlbalikin ama musuh. Permaènan pingpong galibnya cepet ama pemaèn kudu pinter ngeliat puteran bola.
Lantaran dia punya tempat maèn kecil, pingpong bisa dimaènin dalem gedong di semuah iklim, ama alat-alat nyang gampang didapet, pingpong ntu didemenin di seantéro dunia, kaga' cuma buat gerak badan perlombaan, tapi jadi maènan seneng-seneng pisan ama orang-orang semua umur.
Pingpong udah jadi atu gerak badan nyang ada di Olimpiade sejak taun 1988,[1] di mana lanang èn wadon maèn seorangan atawa rangkepan. Pingpong diopènin ama Serèkat Pingpong Antérobangsa atawa lèter pèndèknya ITTF, nyang dibikin taun 1926. Paguyuban ntu nyang nentuin aturan-aturan resmi.
Alat
[permak | permak sumber]Méja
[permak | permak sumber]
Méja pingpong kudu punya bidang persegi, panjangnya 2,74m, lèbarnya 1.525m, punya jala 15,25 cm èn ama kudu lurus 76cm deri atas tanah.[2]
Bola
[permak | permak sumber]
Bola pingpong beratnya kudu 2,7 gram, diamèternya kudu 40mm, dia punya warna puti atawa oranye, èn kebikin deri seluloid atawa bahan plastik sejenis.[3]
Bèt
[permak | permak sumber]
Bèt pingpong kudu dibikin deri kayu nyang dilapis ama karèt.[4] Biasanya bèt dipègang kaya' orang mègang pulpèn atawa potlot, atawa kaya' orang lagi salaman.
Cara maèn
[permak | permak sumber]Pertama, pemaèn nyang mulain bakal lèmpar bola pingpong ke atas ampè kira-kira 16cm deri méja sebelon ditampèl, abis entu lawan kudu balikin bola ke paroan musuh dan seterusnya. Tampèl-tampèlan abis èn pemaèn dapet ponten kalo musuh kaga' bisa ngelakuin hal-hal kaya' balikin bola nyang bener atawa bola aut jau èn kaga' bisa dibalikin.[5]
Ruju'an
[permak | permak sumber]- ↑ Hurt III, Harry (2008-04-05). "Ping-Pong as Mind Game (Although a Good Topspin Helps)". New York Times. Diarsipin deri nyang asli tanggal 2011-06-19. Dipungut 2025-03-07.
- ↑ "The Table Technical Leaflet T1" (PDF). Ittf.com. International Table Tennis Federation. Diarsipin deri nyang asli (PDF) tanggal 2013-10-25. Dipungut 2025-03-07.
- ↑ "The Ball (version for 40mm balls) Technical Leaflet T3" (PDF). Ittf.com. International Table Tennis Federation. Diarsipin deri nyang asli (PDF) tanggal 2011-03-04. Dipungut 2025-03-07.
- ↑ "Racket Coverings Technical Leaflet T4" (PDF). Ittf.com. International Table Tennis Federation. Diarsipin deri nyang asli (PDF) tanggal 2010-12-14. Dipungut 2025-03-07.
- ↑ "ITTF Handbook 2008 / 2009". Ittf.com. International Table Tennis Federation. Diarsipin deri nyang asli tanggal 2010-07-06. Dipungut 2025-03-08.