Loncat ke isi

Perdiping

Deri Wikipedia

Perdiping[1][2] (hurup Arab Gundul: فرديفيڠ) atau lanté (hurup Arab Gundul: لنتى) entu penggeroan bakal trap gedong, mau atas kè', bawah kè'.

Penomeran[permak | permak sumber]

Tombol di dalem pangkèng kèrèk nyang ngasi unjuk nomer perdiping

Penomeran perdiping entu sorot nyang dipaké bakal ngasi rèndèngan di atu gedong berales trapnya "perdiping atu" èn juga' di nama nyang dikasi bakal trap bawah tana. Nomer ruangan biasanya diawalin paké angka perdipingnya; biasanya angka pertama deri tu ruangan ngasi unjuk perdipingnya. Di gedong-gedong gedé, ada 2 atuan umum penomeran perdiping:

  • Gasal-genep bakal adep-adepan.
  • Angka kedua di nomer ruangan ngasi unjuk rorogan atawa kèpèt gedong.

"Perdiping atu"[permak | permak sumber]

Ada berapa macem sistim penamaan "perdiping atu". Di Amrik Lor ama Ruslan, perdiping dasar digeronya "perdiping atu", sedeng perdiping atasnya digero "perdiping dua". Kalu di Èropa, "perdiping atu" entu dipaké bakal perdiping di atasnya "perdiping dasar". Di Jepang ama Koréa, perdiping dasar biasanya digero "perdiping atu", mar juga' kadang digero "perdiping dua". Di Indonésia èmang gènèngan rada plin-plan, ada nyang maké Amrik punya cara, ada nyang ngrikut Èropa punya cara.[3]

Tahayul[permak | permak sumber]

Di Amrik Serèkat ama Kanada galibnya ora ada nyang namanya "perdiping 13" bahna dianggep angka sué (takut angka 13). Jadi, abisnya perdiping 12 langsung dilongkep ke perdiping 14, atawa perdiping 13 digeronya skyline (cèkèr langit). Di Tiongkok, "perdiping 4" ora ada, sebab dianggepnya angka sué juga' gènèng (takut angka 4).

Ruju'an[permak | permak sumber]

  1. Chaer, Abdul. (2009). Kamus Dialek Jakarta. K. Rép. Penerbit Masup Jakarta.
  2. Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung.
  3. Aurelia, Joan (2 Nopèmber 2019). "Betapa Rumit Penamaan Lantai di Gedung-Gedung Jakarta". tirto.id. Dibuka per 2 Sèptèmber 2023.