Pengrèrodan
Pengrèrodan (hurup Arab Gundul: فڠريرودن; Inggris: taxonomy) entu èlmu pembangsaan atu ihwal nyang ada punya juntrungan. Tadinya, enni pengrèrodan cuman nyuntrung ke penglompokan mahluk idup. Cumanan, di enni punya arti jenggar èn umum, pengrèrodan gè' gableg nyuntrung ke penglompokan benda atawa peng'engehan (konsèp), serènta asas nyang jadi dasar entu penglompokan. Segambrèng pengrèrodan ada punya undak-undakan (hierarki), cuman enni laèn saratnya. Pengrèrodan maké satuan nyang ditauin jadi "takson" (bentuk jama': taksa). Takson nyang tinggian sipatnya lebih umum deri takson nyang cetekan lantaran sipatnya lebih kusus. Pengrèrodan béda ama meronomi, nyang kejuntrungan ama penglompokan bebagéan deri semua-muanya.