Pegunungan Bukit Barisan
Pegunungan Bukit Barisan nya'entu deretan atau jajaran gunung nyang ngebentang sepanjang 1.650 kilo dari ujung lor (Aceh) ampé ujung kulonnye (Lampung) di Pulo Sumatra. Kecatet ada barang 35 gunung di Bukit Barisan ini. Mulai deri Gunung Bandahara di Aceh Tenggara ampé Gunung Tanggamus di Lampung.[1] Rangkaian gunung-gunung ini punya puncak nyang paling jangkung, ya'ni Gunung Kerinci nyang jogrognye di Jambi, tingginye nembus 3.805 meter di atas permukaan laot. Selain entu, Pegunungan Bukit Barisan letaknye deketan ama tempat ketemunye lempeng tektonik Eurasia ama Australia.
Sebutan "bukit" dipaké lantaran dalem istilah Melayu lama, kata "bukit" ama "gunung" entu artinye sama baé. John Crawfurd (1856) nyatet kalo kata "bukit" dalem bahasa Melayu punya arti nyang sama ama "gunung" dalem bahasa Jawa, sedangkan masyarakat Lampung nyebutnye Hamatang. Kedua istilah entu emang dipake buat nandain tempat-tempat nyang jangkung.[1][2]
Lantaran jadi tulang punggung Sumatra, Bukit Barisan punya peran penting banget jadi sumber aèr buat semua kali-kali gede di pulo ini.[3] Kali-kali nyang muaranye di pantai kulon (Samudra Hindia), kaya' Alas ama Batangtoru, atawa nyang muaranye di pantai wetan (Selat Malaka), kaya' Indragiri, Batanghari, ama Musi, terus Way Semaka, semuanya mah hulu deri Bukit Barisan.
Paranan
[permak | permak sumber]- ↑ a b "Membaca Bukit Barisan dan Manusia Sumatera". Mongabay Environmental News (dalem basa American English). 2020-03-20. Dipungut 2021-06-05.
- ↑ "Bukit Barisan, Tulang Belakang Sumatera". lipi.go.id (dalem basa Inggris). Dipungut 2021-06-05.
- ↑ "Bukit Barisan, Tulang Belakang Sumatera". Kompas.com.