Pari

Ikan Pari atawa Iwak Pari (nama Latèn: Batoidea) entu macem superorder buat ikan kerawangan, nyang sering dipanggil pari. Die ama sodare deketnye, cucut, ngebentuk subkelas Elasmobranchii. Pari entu rombongan ikan kerawangan nyang paling gede, ampe lebih dari 600 jenis dalem 26 keluarga.

Pari dibedain dari badannye nyang gepeng, sirip dade nyang gedean nyang nyambung ama kepalenye, ama celah insang nyang ada di bagian depannye.

Lebih dari 600 jenis pari bisa ditemuin nyebar di aer tawar ama aer laot, baek nyang dalem, maupun nyang cetek di daerah tropis.

Anatomi

Iwak pari, badanaye gepeng, terus kayak cucut, die juga iwak tulang rawan. Artinya, tulangnye kagak keras kayak tulang biasa, tapi lemes kayak tulang di idung kite. Kebanyakan batomorph punya lima lobang bukaan di bawah badannye, kayak celah, namanya insang. Nah, insang ini nyambung ke ingsang dalem. Tapi, nyang jenis Hexatrygonidae malah punya enem.

Insangnye pari adanya di bawah sirip dadanye, di bagian bawah badan. Kalo cucut mah, insangnye di samping kepalanye. Kebanyakan pari badannye datar kayak mantel, kecuali iwak gitar ama iwak todak. Kalo cucut mah, badannye lonjong kayak gelondongan kayu.

Banyak jenis iwak pari nyang sirip dadanye jadi lebar kayak sayap. Die kagak punya sirip anus. Matanye ama lobang napas (spirakel) adanya di atas kepale. Mulutnye iwak pari adanya di bawah badan, terus rahang atasnye bisa dijulurin jauh dari tengkorak buat nangkep mangsa. Rahangnye punya susunan nyang ngandelin tulang hyomandibular buat nyangga.

Iwak pari yang idup di dasar laot napasnye nyedot aer lewat lobang napas di atas kepale, bukan lewat mulut kayak iwak laen. Abis ntu, aernye dikeluarin lewat insang."

Berkembang biak

Cara Pari berkembang biak macem-macem. Kayak ikan elasmobranch laen, pari tuh pembuahannye di dalem badan. Pembuahan di dalem badan tuh untung buat pari, soalnye spermanye jadi keirit, telornye juga kaga gampang dimakan pemangsa, terus semua tenaga buat berkembang biak kaga kebuang percuma.

Semua jenis pari yang pipih (skate) ama sebagian pari laen bertelor (oviparous), nah kalo pari yang laen lagi mah ovoviviparous, artinye die ngelahirin anak nyang udah jadi di dalem perut, tapi kaga pake ari-ari.

Telornye pari nyang bertelor tuh dibungkus cangkang nyang kenyel kayak kulit, biasanye dibilang 'dompet duyung'. Nah, dompet duyung kosong ini sering banget kelempar ke pantai di tempat nyang banyak parinye.

Kalo ketangkep nelayan, ikan hiu ama pari sering banget ngelahirin prematur ato keguguran (biasanye dibilang 'kelahiran paksa'). Padahal mah, kelahiran paksa ini jarang banget dianggep penting dalem urusan perkawinan, kalopun udah ketauan kejadian ni paling kaga 12% cucut ama pari yang ngelahirin anak (sampe sekarang udah 88 jenis).

Tempat tinggal

Kebanyakan jenis idupnye di dasar laot, di macem-macem tempat di bumi – utamanye di aer deket pantai, walaupun ada juga nyang idup di aer dalem sampe paling kaga 3.000 meter (9.800 kaki). Kebanyakan batomorph nyebarnye luas, demennye di laotan tropis ama subtropis, tapi ada juga jenis nyang idup di aer sedeng ama aer dingin. Cuman beberapa jenis doang, kayak pari manta, nyang idup di laot lepas, terus cuma dikit juga nyang idup di aer tawar, nah sebagian batomorph laen bisa idup di teluk ama muara aer payau.