Pésor
Pésor ya'entu makanan semacem lontong nyang bentukanah kaya' buras atawa burasa nyang orang Bugis punya di Selawesi Kidul. Pésor entu makanan bakal nyarap nyang juga di berabiji daéra entu jadi makanan khas bakal Lebaran. Pésor biasanya dikeja setangkrep-setangkrep. Atu tangkrep pésor entu isinya sepasang.
Cara Bikin
[permak | permak sumber]Pésor dikeja kaya' lumbrahnya ngeja lontong, ama maké daon pisang juga. Cuman, bentukanah gèpèng ora kaya' lontong nyang kamprahnya lonjor-lonjor. Pésor juga ora ada isinya di dalemannya.
Cara Nyuguhin
[permak | permak sumber]Pésor biasanya disuguhin maké dua rupa cara ya'entu pésor sayur ama pésor bumbu.
- Pésor sayur: Kaya' kamprahnya lontong sayur, sayur bakal pésor sayur gé tuh sayur labuh maké santen. Kuahnya kuning medok ama rada beminyak. Bakal nambain niléi gijinya bolèh juga dah ditambain gorèng tahu atawa telor bulet di sayurnya.
- Pésor bumbu: Pésor bumbu entu pésor nyang dipakéin bumbu kacang ama kécap. Bakal nambain niléi gijinya bolèh juga dah ditambain gorèng tahu kaya ketoprak macemnya.
Mao pésor sayur ama pésor bumbu dua-duanya gé dimakan maké kerupuk ama bawang gorèng.
Pésor enni makanan nyang umum bakal nyarap. Di berabiji daérah gé dia entu makanan nyang khas bakal Lebaran, kaya misalnya di beelor Bekasi kaya daérah Terumajaya.