Oleksandr Mokrovolskyi
Oleksandr Mokrovolskyi | |
|---|---|
Олекса́ндр Мокрово́льський | |
| Gepokan:Мокровольський Олександр Миколайович.jpg | |
| Berojol | Oleksandr Mykolayovych Mokrovolskyi 2 Januari 1946 Chernyshi, KSS Ukrain, Uni Sowièt |
| Mati | 22 Désèmber 2023 (umur 77) Irpin, Oblast Kiip, Ukrain |
| Nama laèn | Kor Abel |
| Alma mater | Cherkasy Pedagogical Institute |
| Pegawéan |
|
| Awards | Peris Maksym Rylsky |
Oleksandr Mykolayovych Mokrovolskyi (Ukrain: Олекса́ндр Микола́йович Мокрово́льський; 2 Januari 1946 – 22 Dèsèmber 2023) entu tukang berita, tukang tarjim, èn mualip Ukrain. Dia jadi anggota Serèkat Mualip-Mualip Nasional Ukrain (NSPU) di taon 1981. Dia punya keahlian terletak di puisi ama penarjiman puisi èn prosa deri berapa basa Èropa ke basa Ukrain.[1]
Keidupan awal èn didikan
[permak | permak sumber]Mokrovolskyi berojol di kampung Chernyshi di 2 Januari 1946.[2] Sedari 1964 ampé 1968, dia tau belajar di Fakultas basa Inggris di Cherkasy Pedagogical Institute, wayah gini dikenal sebagé Uniwersitèt Nasional Cherkasy.[3][1]
Jalan gawé
[permak | permak sumber]Deri Juni 1968 ampé Maret 1971, Mokrovolskyi kerja jadi tukang insinyur-tukang tarjim di pabrik kimia Cherkasy. Dia abis itu gabung ke penerbit Veselka èn Dnipro di Kiip, di mana dia njabat jadi editor èn editor senior deri Sèptèmber 1971 ampé Juni 1982, èn tetep getol di bidang penerbitan ampé taon 1984. Meskipun diakuin jadi sala atu perwakilan terakir deri sekolah penarjiman "klasik" Ukrain nyang dipingpin ama Dmytro Pavlychko èn berakar di jurnal sastra asing Vsesvit di taon 1970-an, Mokrovolskyi kaga' perna dikerjain ama Vsesvit bahna ada penentangan deri KGB KSS Ukrain, nyang dia anggap "kaga' bisa diandelin". Deri Dèsèmber 1984 ampé Dèsèmber 1992, dia terlibat dalem pekerjaan kreatip, èn mulai Januari 1993, dia jadi editor departemèn terbitan berkala Èropa Kulon di koran Ukraina. Yevropa. Svit.[1][3][4]
Penghargaan
[permak | permak sumber]- Peris Maksym Rylsky (1999)[5][4]
Ruju'an
[permak | permak sumber]- ↑ a b c "Мокровольський Олександр Миколайович". static.rada.gov.ua (dalem basa Ukrain). Diarsipin deri nyang asli tanggal 2015-11-20. Dipungut 2025-04-18.
- ↑ "У віці 77 років помер відомий український перекладач Олександр Мокровольський". espreso.tv (dalem basa Ukrain). Espreso TV. 2023-12-23. Dipungut 2025-04-18.
- ↑ a b Ткаченко, В. І. (2019-12-12). "Мокровольський Олександр Миколайович". Ènsiklopédi Ukrain Modèren (dalem basa Ukrain). Dipungut 2025-04-18.
- ↑ a b "Творець українського "Гобіта": помер визначний перекладач Олександр Мокровольський". novynarnia.com (dalem basa Ukrain). Новинарня. 2023-12-22. Dipungut 2025-04-18.
- ↑ "Мокровольський Олександр". www.barabooka.com.ua (dalem basa Ukrain). BaraBooka. Diarsipin deri nyang asli tanggal 2018-03-20. Dipungut 2025-04-18.