Nyoman Ayu Carmenita
Nyoman Ayu Carménita (brojol 28 Maret 2006), atawa nyang bekèn jadi Carmén di dia punya gawé, entu atu biduan deri Bali, Indonésia.[1] Wayah gini, dia jadi atu anggota paguyuban gending wadon deri Koréa Kidul, Hearts2Hearts (H2H).[2] Ni anak nyohor jadi idol K-Pop pertama deri Indonésia nyang bisa debut di atu deri tiga pabrik rekeman gedé Koréa, nya'entu SM Entertainment. Carmén juga' jadi idol wadon nomer lima deri semua-mua idol Indonésia nyang uda tau debut di Koréa. Carmén mulain wayah gemblèngnya di SM Entertainment taon 2022.[3]
Carmén punya tampang pertama-tama nongol di teaser debut paguyuban wadon anyar deri SM Entertainment nama Hears2Hearts.[4] Eni teaser perdana dipampangin di konsèr SM Entertainment, SMTOWN LIVE 2025 di Gocheok Sky Dome, Seoul. Carmén resmi debut dalem paguyuban Hearts2Hearts bareng Jiwoo, Juun, A-na, Yuha, I-an, Stella, dan Yeon. Carmén entu atu-atunya anggota nyang bukan orang Koréa. Dia punya paguyuban ada ngejebrolin lagu perdana nama The Chase wayah Senèn, 24 Pèbruari 2025.
Sederi pertama nongol, Carmén anu bolé tanggepan bagus ama sokongan gedé deri masarakat Indonésia, apalagi nyang demen K-Pop. Carmén dianggep bikin wangi Indonésia punya nama dengen jadi idol pertama ama atu-atunya nyang tau debut di bawa SM Entertainment, biar kata entu pabrik kebekèn punya gemblèngan kaga' maèn-maèn.[5]
Awal idup
[permak | permak sumber]Si Carmén berojol terus tinggal di Bali sampé umur 15 taon. Ni anak tau ngedekem di sekola SMA Kristen Harapan Bali sebelon ngelajengin sekola rumahan di Koréa Kidul. Orang kata, mah, si Carmén anaknya getep ama ngebadeg ranggehannya. Dia gableg keboléan nyanyi, ngibing ama maèn piano. Taon 2018, si Carmén menang jadi juara atu lomba atlètik loncat jau di Bali. Di entu taon juga', si Carmén ama dia punya rombongan menang juara atu lomba ngibing keriaan budaya Indonésia di Koréa Kidul.[6]
Titi gawé
[permak | permak sumber]Mula-mulainnya, Carmén ga' disokong bakal nyandak dia punya impi jadi biduan gending Koréa.[7] Enya'-baba si Carmén, mah, mula-mulanya ga' mboléin Carmén mè'rad ke Koréa Kidul bakal nginclo'in audisi, bahna dia pada nganggep si Carmén nyeng tu wayah masing 15 taon, masing kemudaan, dah, tuh. Cuman, Carmén maksa terus ngunjukin kalo dia, tuh, bener-bener ama nginclo'in tu audisi dalem jala di taon 2022 sonder ngasi pengabaran ke dia punya orang tua. Abis keterima, Carmén nembé ngasi tau ke kulawarganya sebelon mangkat ke Jakarta bakal audisi lanjutannya. Carmén mangkat audisi dibarengin ama dia punya empo'. Abis dikasi tau kalo dia lolos, Carmén mangkat ke Koréa Kidul bakal njalanin wayah penggemblèngan jadi biduan gending Koréa di SM Entertainment barang 3 taon sebelon buntutannya dia tampil perdana di bulan Pèbruari 2025.[8].
Ari bulan 11 Maret 2025, lagu perdana Heart2Hearts, The Chase, mboléin menang di acara gending The Show nyeng boléin ponten sebesar 8.500 ponten. Enni jadi kemenangan perdana bakal Heart2Hearts abis 15 ari tampil perdana. Enni ihwal ngeja Carmén jadi biduan gending Koréa deri Indonésia nyeng pertama nyeng berasil mboléin piala di acara gending minggonan.[9]
Ruju'an
[permak | permak sumber]- ↑ Jogja, Tribun (Indonesia). Widiyarso (prm.). TribunJogja.com Carmen, Idol Pertama dari Indonesia yang Debut di SM Entertainment https://jogja.tribunnews.com/2025/02/04/profil-carmen-idol-pertama-dari-indonesia-yang-debut-di-sm-entertainmentProfil Carmen, Idol Pertama dari Indonesia yang Debut di SM Entertainment. Dipungut 3 Maret 2025.
{{cite news}}: Check|url=value (pertulungan); Check date values in:|date=(pertulungan); Missing or empty|title=(pertulungan); Unknown parameter|editorfirst=ignored (|editor-first=suggested) (pertulungan) - ↑ "Carmen (Hearts2Hearts) Profile". Kprofiles. Dipungut 03 Maret 2025.
{{cite web}}: Check date values in:|access-date=(pertulungan) - ↑ "Fakta Carmen, Gadis Bali Jadi Idol Kpop SM Entertainment". Kompas.com. 14 Januari 2025. Dipungut 02 Maret 2025.
{{cite web}}: Check date values in:|access-date=(pertulungan) - ↑ Putong, R. Chairini. "5 Fakta Carmen, Gadis Bali yang Jadi Idol KPop Jebolan SM Entertainment". wolipop (dalem basa Indonésia). Dipungut 2025-03-16.
- ↑ Putong, R. Chairini. "5 Fakta Carmen, Gadis Bali yang Jadi Idol KPop Jebolan SM Entertainment". wolipop (dalem basa Indonésia). Dipungut 2025-03-16.
- ↑ developer, medcom.id. "Yuk Kepoin Carmen, Anggota Girl Group Baru SM Entertainment yang Berdarah Bali". medcom.id (dalem basa Indonésia). Dipungut 2025-03-16.
- ↑ Dianira, Fabiola. "Perjalanan Carmen Tembus Debut di SM Entertainment, Sempat Ditentang Ortu". detikbali (dalem basa Indonésia). Dipungut 2025-03-16.
- ↑ Dianira, Fabiola. "Perjalanan Carmen Tembus Debut di SM Entertainment, Sempat Ditentang Ortu". detikbali (dalem basa Indonésia). Dipungut 2025-03-16.
- ↑ "15 Hari Debut, Hearts2Hearts Raih Trofi Pertama Lagu The Chase di The Show". Yoursay.id (dalem basa Indonésia). 2025-03-11. Dipungut 2025-03-16.