Nyali
Nyali (hurup Arab gundul: ڽلي)[1][2] atawa ngali (hurup Arab Gundul: ڠلي)[3] atawa amperu entu atu caèran basa nyang pait punya rasa, juga' ijo-ijo konèng punya warna, bahna dia ada punya pigmèn bilirubin, bilipèrdin, ama urobilin nyang dikencrotin ama hépatosit ati di banyakan héwan tulang geger. Ni caèran nyali gableg mangpaat bakal nulung ngegetolin penyernaan lemak dalem ucus dua belas jeriji. Di saban orang punya awak, sariannya ada bangsa 400-800cc caèran nyali nyang dikencrotin terus-terusan ama ati atawa limpa.[4] Mingkinan getol nyerna lemak, mingkin ngelubèr caèran nyali nyang dikencrotin. Di berapa jenis héwan, ni caèran nyali atawa amperu kena disimpen ama dikentelin di dalem kantong amperu. Abis kelar madang, ni caèran bakal dikuarin ke bagèan mula deri ucus dua belas jeriji bakal nulungin kegetolan penyernaan makanan.[5]
Ruju'an
[permak | permak sumber]- ↑ Pinjeman deri basa Bali punya setilah nyali. Chaèr, A. (2009)[1976]. "nyali". Kamus dialek Jakarta (perb. ed.). Dèpok: Masup Jakarta. h. 314. ISBN 9793731346.
- ↑ Crawfurd, J. (1852). "Ñali". A grammar and dictionary of the Malay language, with a preliminary dissertation [Pendoman kaèdah ama kitab logat basa Melayu, jangkep ama dèsertasi tembéan]. J. II. Londen: Smith, Elder & Co. h. 121.
- ↑ Crawfurd, J. (1852). "Ngali". A grammar and dictionary of the Malay language, with a preliminary dissertation [Pendoman kaèdah ama kitab logat basa Melayu, jangkep ama dèsertasi tembéan]. J. II. Londen: Smith, Elder & Co. h. 121.
- ↑ "Secretion of Bile and the Role of Bile Acids In Digestion". www.vivo.colostate.edu (dalem basa Inggris). Dipungut 2017-03-31.
- ↑ Puestow, Charles B. (1931-12-01). "The Discharge of Bile into the Duodenum". Archives of Surgery. 23 (6): 1013–1029. doi:10.1001/archsurg.1931.01160120127008. ISSN 0272-5533.