Nusakambangan

Tampang péta Nusakambangan

Nusakambangan nya'entu atu pulo di Jawa Tenga nyeng dikenalin jadi tempat penjara nyeng keamanannya paling tinggi di Indonésia. Dilongok deri èlmu gambar bumi, ni pulo masup kabupatèn Cilacap, nya'entu kecamatan Cilacap Kidul, èn dicatet dalem daptar pulo paling luar di Indonésia. Melèngken, kalo dilongok deri pengelolaan ni pulo, adanya di bawa Kementerian Hukum èn Hak Asasi Manusia.

Sejarah

Ni pulo dilarang taon 1905 ama Olanda. Ni pulo dijadiiin pulo penjara wayah Kumpeni. Kumpeni mbangun penjara di ni pulo bakal orang ja'at. Penjara di Nusakambangan dibuka tenga taon 1920-an ama Kumpeni di Indonésia.

Pemakéan jadi pulo penjara lanjut abisan kemerdékaan. Selama guwernemèn persidèn Suharta, ratusan pembangkang pulitik dipenjarain di ni pulo. Kebanyakan tahanan pulitik atawa anggota Parté Kuminis Indonésia. Tu tahanan pada ga' tau diadilin èn banyak nyeng pada mati lantaran kelaperan atawa sakit.

Taon 1996, ni pulo dibuka bakal orang-orang jadi tujuan wisata. Ni pulo juga' ngikut jadi kampung pengungsian. Bangsa 140 orang pengungsi Apganistan nyeng ditahan di tu pulo lantaran mau ke pulo Natal, Ostrali, tenggelem di laot 17 Agustus 2001. Cuman, lebi deri 90 pengungsi terus mabur taon 19 Sèptèmber 2001, belayar maké perau kecil terus diyakinin ngara ke Ostrali.

Ni pulo kena dampak lindu èn sunami Pangandaran 2006, wayah lindu bawa laot nyeng kuatnya 7,7 nyeng kejadian di panté Jawa kulon. Ada 11 orang désa ilang èn 8 orang paèh lantaran tu sunami. Terus, ada 15 tahanan di Nusakambangan gè' ilang.