Niagara-gara
Niagara-gara ielah salah satu wahana air yang paling tenar di Dufan, temanyè dunia Wild West jaman koboi Amérika ama Suku Indian. Wahana inih didésain buat nyamain pengaleman turun dari air terjun Niagara naék perahu, nggabungin antara meluncur kenceng ame segernyè air, jadi satu pengaleman yang nyejutin jantung.[1] Niagara-gara entu isinye perahu dasar datar yang nyuruk ke bawah lereng terus masuk ke dalam saluran di dalem laguna. Bentuknyè kayak balok kayu yang meluncur nyusurin arus air kayak lagi berpetualang. Pas sampe di puncaknyè , perahu itu naék Conveyor Belt Lift Hill sampe 20 mèter, abis itu nyuruk ke bawah kayak nyebur ngikutin air terjun di sungai-sungai Amérika sono.[2] Bédanye sama log flume, Niagara-gara biasanye punyè perahu yang lébih gede dan cuman adè satuan luncuran ajah. Namê Niagara-gara diambil dari satê namê aér terjun Niagara di Amerika.
Niagara-gara ngasih kesempetan ke orang-orang yang maen ke sono, buat ngerasain gimana rasanye turun dari tempat tinggi dengan kecepètan gede, yang bikin ciburan air nyiprat gede dan seru bener. Makanyè, ini wahana jadi favorit di kalangan segala umur — dari anak kecil sampe orang gede.[3]