Nasi minyak
Nasi minyak nya'entu panganan has Melayu nyeng kena aru-aruan deri Wètan Tenga èn negeri Hindi nyeng ngelancong ke Jambi, Pelèmbang, èn Rio Kepuloan. Ni panganan rupanya kaya' nasi nyeng dimasak maké minyak samin èn rempa-rempa has Nusantara, Hindi, èn Wètan Tenga. Kalo dilongok, nasi minyak keliatannya kaya' nasi kebuli atawa nasi biryani. Nasi minyak sokanan ditanjai bareng ama macem-macem timpalan, kaya' gulé tèpè' ikan, daging malbi, saté pentol, ayam gorèng, acar timun, kismis, èn sambel nanas.[1]
Nasi minyak gableg rasa nyeng gurih has rempa-rempa Wètan Tenga èn negeri Hindi nyeng wanginya tajem. Nasi minyak sokanan ditanja wayah ditanggap atu keriaan baé, kaya' kawinan, sukuran, Lebaran, Lebaran Aji, èn wayah bulan Puasa. Nasi minyak banyak cenggableg di semua propinsi Sumatra Kidul èn Jambi.[2] Nasi minyak gè' kesohor jadi panganan has Melayu nyeng ditanja pas kawinan atawa keriaan di Tanjungpinang, Rio Kepuloan.
Ruju'an
[permak | permak sumber]- ↑ http://www.malaya.or.id/kedai/kuliner/nasi-minyak-sebuah-penganan-palembang/ Archived 2017-11-11 at the Wayback Machine. Diakses tanggal 11-11-2017
- ↑ https://lifestyle.okezone.com/read/2015/04/06/298/1129971/william-wongso-akan-masak-nasi-minyak-di-wsfc-2015. Diakses tanggal 11-11-2017