Musium Betawi
Musium Betawi (Arab gundul: موسيوم بتاوى) atawa Musium Betawi Sètu Babakan (Arab gundul: موسيوم بتاوى سيتو بابكن) nya'entu atu biji musium nyang ngejogrog di Jl. RM Kahfi II, Srèngsèng Sawah, Jagakarsa, Jakarta Udik . [1] [2] Enni musium tuh mèjèngin kumpulan banda ihwal apa baè nyang dilakonin ama Suku Betawi .
Kumpulan banda èn modèlan gedong
[permak | permak sumber]Enni gedong gablek tiga tingkat lanté, nangkring di tanah nyeng lega'nya 3.2 hèktar. [3] Unggal lanté tuh rupa-rupa bandanya. Lanté atu entu nggablek dua pèjèngan, nya'entu pèjèngan 8 banda budaya Betawi èn pèjèngan mantèn budaya Betawi. Pèjèngan banda di lanté atu entu majang rumah kebaya (rumah terdisionil Betawi) nyang maké hiasan gigi balang, ama kembang kelapa warna-warni nyang ngiasin ondèl-ondèl èn pakéan mantèn Betawi . Ada ongkoh baju Abang ama Nonè, kebaya èn Sadariah. [4] Selaèn baju, daharan gè' jadi banda pèjèngan, nya'entu kerak telor èn bir pletok. Batik Betawi keciri ama warnanya nyang cera' kaya' kebaya kerancang èn baju sadariah nyang dipaké orang lanang nyang lumbrahnya dipaké bareng ama pici èn kaèn cukin. Pèjèngan mantèn Betawi ngamparin kabèhan perintilan kawinan bangsa pakéan ama seserahan, gending èn ruti baya ongkoh. [5] Di lanté dua ada pèjèngan rumah orang Betawi nyang gablek rupa-rupa peranti rumah has Betawi, bangsa kukusan, alu, panè (bakul nasi kayu), méja kanjengan, ama sepèda ontèl. Terus, giliran lanté tiga entu tuh pèjèngan lawakan Betawi nyang majang gending has Betawi èn poto seniman Betawi, kaya' Benyamin Su'èb ama Mpo' Nori . [6] [7]
Perdèo masup
[permak | permak sumber]Guwernemen Propinsi DKI Jakarta ngasih pengladènan masup musium perdèo bakal masarakat nyang ngenclek ke tiga golongan, nya'entu orang cacat, orang kolot èn murid sekola nyang nerima Kartu Jakarta Pinter (KJP) nyang aci mulain 20 Januari 2017. [8]
Ruju'an
[permak | permak sumber]- ↑ "Melihat Lebih Dekat Budaya Betawi Lewat Museum Betawi Setu Babakan". Direktorat SMP (dalem basa Indonésia). 2023-02-14. Dipungut 2024-05-22.
- ↑ Fadilah, Raihan (2025-03-11). "15 rekomendasi museum di Jakarta untuk study tour". Antara News (dalem basa Indonésia). Dipungut 2025-05-28.
- ↑ Rohaimi, prm. (2022-07-13). "Yuk Mengenal Koleksi Museum Betawi di Setu Babakan". www.tvonenews.com (dalem basa Indonésia). Dipungut 2024-05-25.
- ↑ Wanadriani Santosa, Lia (2024-07-31). "Museum Betawi pamerkan baju Betawi yang bisa dijajal oleh pengunjung". Antara News (dalem basa Indonésia). Dipungut 2025-05-28.
- ↑ Chaniago, Suci Wulandari Putri (2024-01-03). Agmasari, Silvita (prm.). "Wisata ke Museum Betawi, Cocok untuk Pencinta Barang Antik Halaman all". KOMPAS.com (dalem basa Indonésia). Dipungut 2024-05-25.
- ↑ "Koleksi Museum Betawi di Setu Babakan "Open" Partisipasi Tokoh-tokoh Betawi". merdeka.com (dalem basa Indonésia). 2021-10-21. Dipungut 2024-05-25.
- ↑ Wanadriani Santosa, Lia (2024-11-08). "DKI ajak orang tua kunjungi Museum Betawi dan Bahari bersama anak". Antara News (dalem basa Indonésia). Dipungut 2025-05-28.
- ↑ "Peraturan Gubernur Nomor 8 Tahun 2017 tentang Layanan Gratis Masuk Taman Margasatwa Ragunan, Tugu Monumen Nasional dan Museum pada Hari Biasa Bagi Masyarakat Tertentu". JDIH - Jakarta (dalem basa Indonésia). 27 Januari 2017. Dipungut 2025-05-28.
{{cite web}}:|first=missing|last=(pertulungan)