Mesigit Gubah 99
Mesigit Gubah 99 (hurup Arab Gundul: مسيݢية قبة ٩٩; Indonésia: Masjid 99 Kubah; Arab: مسجد القبة ٩٩) atawa nyang bekèn juga' dikata Mesigit 99 Asmaulhusna (hurup Arab Gundul: مسيݢية اسماء الحسنى ٩٩; Arab: مسجد اسماء الحسنى) entu mesigit nyang seninya bagus ama jadi ikon nyang adanya di Kota Makasar, Propinsi Sulawési Udik, Indunisia.[1] Ni mesigit dibangun tahon 2017 entak diresmiin tahon 2023.[2] Ni Mesigit Gubah 99 lempengannya juga' ada di utekan Center Point of Indonesia (CPI) Tanjung Bunga.[3][4]
Ni mesigit – mesigit nyang paling gedé Sulawési nyang perdipingnya ada dua. Mbangunnya juga' perlu duit nyang bolé dikata, mah, kaga' seemit.[3] Kaya' nyang dikata di macem-macem sumber, ni mesigit nyang kelirnya roncèt udah ngabisin duit—ada, kali—barang 160 miliar rupiah lebi.[5] Kaga' cuman duitnya nyang sebadeg-badeg, témpo nyang dibutuin bakal ngebangun ni mesigit gubah 99 juga' kaga' seemit, kalo ngiat tètèk-bengèknya, pan, juga' keètung ribet.[6]
Ni mesigit punya rancang gedong bolénya rancangannya si Ridwan Kamil, nyang entu waktu masing jadi Gubenur Jawa Kulon. Rancang-rancang konsep gambarannya ni masjid entu klasik modern, futuristik, ama jogrokannya juga' laèn kendiri unik nyang ngebawa' tema Asmaulhusna.[7] Dia juga' kerja sama, dah, tuh, ama tukang rancang gedong setempat nama Muhammad Mursif bakal ngebikin gedong. Sebelonnya, tukang rancang gedong situ juga' ketemuan langsung ama si Ridwan Kamil sebelonnya ni mesigit, marinya, dibangun paké rancang gambar desain nyang udah dipaketin barengan ama maké gubah 99 biji di entu gedongnya, laèn ama mesigit-mesigit laènnya nyang sari-sarinya kita liat.
Paranan
[permak | permak sumber]- ↑ "The Construction Of The 99-dome Mosque In Makassar Was Resumed". VOI - Waktunya Merevolusi Pemberitaan (dalem basa Inggris). Dipungut 2022-12-24.
- ↑ Padmasari, Salviah Ika (2017-06-01). "Groundbreaking masjid 99 kubah rancangan Ridwan Kamil di Makassar". merdeka.com (dalem basa Inggris). Dipungut 2022-12-24.
- 1 2 "Masjid Kubah 99 Asmaul Husna". Uloom.id (dalem basa American English). Dipungut 2022-12-24.
- ↑ "Masjid 99 Kubah Makassar, Ikon Baru Sulawesi Selatan yang Megah dan Menawan - Celebes ID" (dalem basa American English). 2022-09-09. Dipungut 2022-12-24.
- ↑ "Masjid 99 Kubah Makassar, Dibangun Masa Syahrul, Mangkrak Era..." Pengen tau jadi tau (dalem basa Inggris). Dipungut 2022-12-24.
- ↑ "Nilai filosofis Masjid 99 Kubah Makassar – PDF Download" (PDF). digiliadmin.unismuh.ac.id.
- ↑ "Masjid 99 Kubah". Explore Makassar (dalem basa Indonésia). Dipungut 2022-12-24.