Menara Sahbandar
Menara Sahbandar entu menara pantengan nyang dijejegin sekiteran tahon 1838 di Betawi. Ni menara sanonya jadi tempat mantengin noh kapal-kapal nyang keluar-masup di Betawi liwat pelabuhan Sunda Kelapa.[1] Abis udah apkir jadi menara pantengan ama titik nol, ni menara tinggi 12 mèteran bekèn juga' digero' "menara doyong", bahna dia punya telepakan mingkin ari mingkin doyong aja keliatannya. [2]
Sejarah
[permak | permak sumber]Enni bangunan dulunya entu atu bèntèng nama Bastion Culemborg, nyang dibangun di masa pemerintahan Gubernur Jenderal Antolo van Dieman sekiteran tahun 1645. Tu bèntèng diambrugin di tahon 1808 ama pemerèntahan Gubernur Jènderal Daendels soalnya lagi ada ribut pasukan nyang nyerang Jayakarta. Baru di tahon 1838, Menara Sahbandar dibikin ulang bakal tempat mantengin kapal-kapal, atawa nyang orang Walanda pada bilang entu De Uitkjik Post. [1]
Ruju'an
[permak | permak sumber]- ↑ a b Kisah Menara Syahbandar, Menara Miring yang Pernah Jadi Pintu Masuk Jakarta
- ↑ https://www.senibudayabetawi.com/7245/menara-syahbandar-tempo-dulu.html