Lopis
| Lopis | |
|---|---|
 | |
| Nama laèn | Lupis |
| Asal negeri | Indonesia |
| Bahan poko' | Beras ketan, kelapa parut, gula mèrah |
Lopis atawa juga disebutnya Lupis (hurup Arap gundul: لوفيس; basa Jawa: ꦭꦸꦥꦶꦱ꧀) nya'entu atu rupa kué has Indonésia nyeng ada di Betawi ama juga di Jawa ongkoh. Enni kué entu ada dua rupa bentukannya biasanya. Ada nyeng bentukannya dikeja segitiga, ada ongkoh nyeng dicitak lonjoran bulet kaya' lontong punya rupa,[1] terus deri entu lonjoran tuh ditetek jadi bulet-bulet sepotong-sepotong terus diaurin kelapa boléh marut. Lopis entu dikejanya deri beras ketan nyeng udah boléh diaronin, terus dibungkus-bungkusin maké daon pisang. Lantaran daon pisang entu lopis tuh punya warna ijo di kulitnya. Enni kuéh dimakannya maké aèr gula nyeng disiremin.
Kuéh Lopis entu uda ada deri jaman Welanda mula. Enni kuéh mulain deri entu jaman terus nongol macem-macem rupanya nyeng anyar di Indonésia. Orang Jawa nyebut ini kuéh punya nama tuh "lupis" (aksara Jawa: ꦭꦸꦥꦶꦱ꧀) nyeng artinya entu "diiket". Deri wayah entu, Lupis masing ada èn gampang dicari di pasar-pasar terdisionil ama kué-kué has Indonésia nyeng laèn. Enni kuéh punya jat kabohidrat nyeng mayan seabrek, jadinya enni kuéh tuh bisa dijadiin bakal nyarap nyeng bikin warag.[2]