Lie Tek Swie

Lie Tek Swie (Tionghoa: 李德水; Pe̍h-ōe-jī: Lí Tek-súi; getep 1929–1940) entu dalang pèlem Indonésia nyang getep di pèlem-pèleman témpo dulu di Hindia Nèderlan. Ni orang dinyana udah mulain jalan gawénya di kantor pengècèran pèlem sebelon jadi dalang taon 1929 dengen pèlem Njai Dasima, pèlem kehatu deri tiga gawéan ambilan sastra nyang dia dalangin. Tiga lagi pèlem nyang dia bikin (duanya ama Tan's Film) entu ceritera kendiri. Taon 1941, Lie ada nimbrung jejegin pabrik Standard Film Company, nyang abisnya ditutup taon 1942.