Loncat ke isi

Kucing-Anjing (pèlem cèmèn)

Deri Wikipédi, ènsiklopédi perdèo
Nickelodeon tempat Kucing-Anjing dikeja

Kucing-Anjing atawa dalem basa Inggeris jadi CatDog nya'entu atu pèlem cèmen tipi Amrik Serèkat nyeng dikeja ama Peter Hannan bakal Nickelodeon[1]. Ni pèlem cèmèn ngikutin cerita lucu deri sodara kembar dèmpèt dengen jenis nyeng béda, di mana atu bagèan deri dia pada punya awak entu kucing nyeng atu lagi entu anjing. Ni pèlem cèmen dikeja ama Nickelodeon di Burbank, Kaliporni[2]. Episode awalnya diumrupin pas tanggal 4 April 1998, nyeng boléin 1998 Kids' Choice Awards, sebelon pèlemnnya resmi ditongolin di tipi tanggal 5 Oktober 1998. Samanya entu pas usum kedua episode "Fetch" nyeng ditongolin di teater taon 1998 sebelon diumrupin di tipi.[3]

Ni pèlem cèmen abis tanggal 15 Juni 2005 abis semua empat usum terus 66 episode nyeng uda diumrupin selama tuju taon, ples dua episode nyeng ga' tau diumrupin. Entu dikeja ama Nickelodeon Animation Studio ama Peter Hannan Productions nyeng ditongtodin di DVD di daèrah 1 ama Shout! Factory.

Dua ruma pèlem cèmen, Saerom Animation ama Rough Draft Studios liwat Rough Draft Studios ngeja ni pèlem cèmen bakal tongtonan.

Gagasan cerita

[permak | permak sumber]

"CatDog" nganclongin petualangan kucing-anjing nyeng dèmpètan awak. Walopun awaknya sama, cuma keduanya gableg sipat nyeng béda. Cat entu kucing nyeng keaturan terus pinter, melèngken Dog entu anjing nyeng senengan, impulsif, ama seneng maèn. Cuman, walo dua-duanya bisa nganuin awaknya kepisa-pisa maké dua pala, dia pada kejuntrung di tenga awaknya nyeng ngeja dia pada ga' gableg buntut atawa kaki belakang.

Sipat nyeng béda di antara Cat ama Dog mirip kaya' pasangan The Odd Couple, terus kena aru-aruan Looney Tunes, serènta èlemèn-èlemèn banyolan deri Laurel ama Hardy, Abbott ama Costello, terus tokoh Nicktoons laènnya kaya' Ren ama Stimpy.[4] Soalnya Cat ama Dog kadanan dipisain, Dog bakal terus mbawa sodaranya ke aktiwitètnya kaya' mbawa trek sampa, makan makanan tinggal madang, atawa petualangan, walopun Catnya males ngelakoninnya.

Tokoh

[permak | permak sumber]
  • CatDog (Cat diomong ama Jim Cummings terus Dog diomong ama Tom Kenny), kucing-anjing sodara kembar dèmpèt nyeng manjang deri pala ke awak, ora buntut ama kaki belakang.
  • Winslow Oddfellow, (diomong ama Carlos Alazraqui), curut blao sonder buntut nyeng nyedog di samping ruma Cat ama Dog.
  • Cliff Feltbottom (diomong ama Tom Kenny), Banteng lanang terus dedengkot Greaser Dogs.
  • Shriek Dubois (diomong ama Maria Bamford), anjing pudel wadon.
  • Lube (diomong ama Carlos Alazraqui), anjing lanang nyeng lagi demenan.
  • Rancid Rabbit (diomong ama Billy West), kelènci ijo.
  • Eddie the Squirrel (diomong ama Dwight Schultz), bajing kelabu.
  • Randolph Grant (diomong ama Billy West)
  • Tallulah Headbank (diomong ama Maria Bamford)
  • Mean Bob (diomong ama Billy West)
  • Lola Caricola (diomong ama Nika Futterman)
  • The Ingrid Twins (diomong ama Laraine Newman)
  • Mervis and Dunglap (diomong ama John Kassir), babi ama musang.
  • Mr. Sunshine (diomong ama Billy West)

Pengejaan

[permak | permak sumber]

Ni pèlem cèmen dikeja ama Peter Hannad nyeng dijembarin ama Nicktoons Production terus dikeja deri Nickelodeon Animation Studio di Burbank, Kaliporni. Hanna jadi executive producer. Ni jadi bagèan deri investasi Nickelodeon nyeng ampé $350 juta bakal pèlem cèmèn orisinil selama lima taon ke depan.[2]

Albie Hecht, wakil persidèn kolot deri Nickelodeon bilang kalo pengeja bakal ngerancang pèlem cèmènnya nyeng "mangpaatin rasa iba boca" dengen nggablegin tokoh nyeng "ngalamin kewontenan nyeng paling jelèk".[2] Hannan ngomong kalo Kucing-Anjing diilhamin lantaran ngeliat kucing ama anjing tetangga nyeng berantem terus liwat entu dia ngeja atu kembar dèmpèt kucing-anjing nyeng asalnya deri Hanna nyeng ngeliat awat di tipi soal kembar dèmpèt nyeng idupnya biasa, baéref name="Varietyleash" />. Dengen ngambil tu alesan ngeja dia nggagas ni Kucing-Anjing.

Judul aslinya sebenernya tu cerita atu pahlawan pala dua nyeng digero' CatDog Man.

Pengumrupan

[permak | permak sumber]

Ni pèlem cèmèn aslinya diumrupin ama Nickelodeon di Amrik Serèkat semprakan taon 1998 ampé 2005, terus dilanjut umrup taon semprakan taon 2005 ampé taon 2007. Enni berèrodan diumrupin di Nicktoons semprakan tanggal 1 Mèi 2002 ampé tanggal 23 Agustus 2011. Kucing-Anjing mulain umrup di NickSplat pas taon 2013 terus dilanjutin bakal umrup ampé taon 2021. Tu pèlem dimulain puter langsung di Paramount+ taon 2020. Di Britani Gedé ama Irlan, ni pèlem cèmèn diumrupin di Nickelodeon (saluran Britani Gedé ama Irlan) semprakan taon 1998 ampé taon 2005, Channel 4 1999-2007, ama Nicktoons (saluran Britani Gedé ama Irlan) (2002-2013). Di Kanada, ni pèlem cèmèn diumrup di Nickelodeon (saluran tipi Kanada) 2009-2019 terus di (saluran tipi Kanada) 1998-2006. Di Ostrali ama di Niu-Sèlan, ni pèlem cèmèn diumrup di Nickelodeon (Ostrali ama Sèlanda Anyar). Di Jepang, ni pèlem cèmèn diumrup di Nickelodeon (saluran tipi Nipong) 1999-2009 terus di TV Asahi 1999-2006. Di Wetan-tenga, ni pèlem cèmèn diumrup di Nickelodeon Arabia 2008-2011 ama di MBC 3 2014-2015. Bulan Maret 2021, ni pèlem cèmèn ditambain ke acara Nicktoons ama Nickelodeon nyeng laèn ke dalem Paramount+.

Tanggepan

[permak | permak sumber]

Sambatan

[permak | permak sumber]

Ni pèlem cèmèn dilongok ama Common Sense Media dengen ponten 2 deri 5 bintang nyeng kanggo boca 7 taon ke atas.[5]

Pengargaan

[permak | permak sumber]

Taon 1998, ni pèlem cèmèn dipasangin ke pengargaan sorangan nyeng ajib bakal Annie Award bakal penyeratan dalem pengejaan tipi cèmèn, bakal "Dog Gone". Penerimanya nya'entu Derek Drymon, Robert Porter, ama Peter Hannan.[6]

Di acara 1999 Kids' Choice Awards, ni pèlem cèmen dipasangin ke pengargaan bakal "Kids' Choice Award for Favorite Cartoon". Cuma, entu kalah deri Rugrats. Entu dipasangin lagi di acara 2000 Kids' Choice Awards.

Bua tangan

[permak | permak sumber]

Média rumaan ama tongtogan comot digital

[permak | permak sumber]

2 kasèt deri ni pèlem cèmèn disebarin ama Paramount Home Entertainment tanggal 30 Maret 1999. Together Forever isinya entu tambaan ceplikan pèndèk Cat-Diggety Dog ama episode Dog Gone, Flea or Die, Diamond Fever, "CatDog's End" ama "Work Force", terus CatDog vs. The Greasers isinya episode "Siege on Fort CatDog", "Squirrel Dog", "Full Moon Fever", "Shriek Loves Dog" ama "All You Need Is Lube".

Penyebaran kasèt
Judul Nomer episode Tanggal nongtod Episode keitung
Together Forever 6 30 Maret 1999 2x04c "Cat-Diggety Dog"
1x01a "Dog Gone"
1x02a "Flea or Die"
1x05a "Diamond Fever"
1x12a "CatDog's End"
1x04b "Work Force"
CatDog vs. The Greasers 5 1x12b "Siege on Fort CatDog"
1x09a "Squirrel Dog"
1x11a "Full Moon Fever"
1x04a "Shriek Loves Dog"
1x03b "All You Need Is Lube"

Taon 2010, Nickeloden tèken perjanjian CreateSpace, kongsinya Amazon.com, bakal ngeja DVD deri "Kucing-Anjing" ama pèlem cèmèn Nickeloden nyeng laèn bakal harga obral di Amazon. DVD "dikeja ngiat ke pasar" terus DVD-R-nya juga pas ama pembeliaan. Ni pèlem cèmèn juga cenggableg bakal dicomot di layanan InstantVideo Amazon. Semprakan 2011 ampé 2013 Shout! Factory nguarin DVD liwat gepokan berapa usum terus gepokan nyeng lengkap juga dikuarin tanggal 9 Désèmber 2014.[7][8]

Penongtodan ama CreateSpace
Title Tanggal kuar Discs Episodes
Usum 1 7 April 2010 4 20
Usum 2 Polume 1 1 Désèmber 2010 3 17
Usum 2 Polume 2 1 Désèmber 2010 4 17
Usum 3 1 Désèmber 2010 3 13
daèrah 1
Judul Usum Episode Tanggal kuar Episode
Polume 1: Usum 1, Bagèan 1 1 10 18 Oktober 2011 1 ("Dog Gone" / "Fan Mail" / "All You Can't Eat") – 6 ("Party Animal" / "Mush, Dog, Mush!"), 8 ("Pumped" / "Dummy Dummy"), 9 ("Squirrel Dog" / "Brother's Day"), 11 ("Full Moon Fever" / "War of the CatDog") ama 14 ("Nightmare" / "CatDogPig")
Polume 2: Usum 1, Bagèan 2 27 Maret 2012 7 ("Armed and Dangerous" / "Fistful of Mail!"), 10 ("Escape From the Deep End" / "The Collector"), 12 ("CatDog's End" / "Siege on Fort CatDog"), 13 ("Safety Dog" / "Dog Come Home!"), 15 ("New Neighbors" / "Dead Weight") – 20 ("All About Cat" / "Trespassing")
Polume 3: Usum 2, Bagèan 1 2 5 Juni 2012[9] 21 ("Send in the CatDog" / "Fishing for Trouble" / "Fetch") – 30 ("Climb Every CatDog" / "Canine Mutiny")
Polume 4: Usum 2, Bagèan 2 25 Sèptember 2012[10] 31 ("It's a Wonderful Half Life" / "Shepherd Dog") – 40 ("Cliff's Little Secret" / "Freak Show")
Polume 5: Usum 3 nyeng uda rampung[a] 3 20 12 Maret 2013[11] 41 ("Sumo Enchanted Evening" / "Hotel CatDog") – 60 ("New Cat in Town" / "CatDog's Booty")
Polume 6: Usum buntutat nyeng uda rampung 4 8 20 Agustus 2013[12] 61–63 ("CatDog and the Great Parent Mystery") – 68 ("Vexed of Kin" / "Meat Dog's Friends")
Pèlem cèmen rampung 1-4 68 9 Désèmber 2014[8] 1 ("Dog Gone" / "Fan Mail" / "All You Can't Eat") – 68 ("Vexed of Kin" / "Meat Dog's Friends")

Pèlem cèmèn nyeng uda rampung juga' cenggableg bakal di comot di iTunes Store ama tongton langsung di Paramount+.

Di Ostrali, usum 1-3 dikuarin dalem wujud DVD ama Beyond Home Entertaiment.

Promosi

[permak | permak sumber]

Nickelodeon nggelontorin $20 juta bakal promosi pèlem cèmèn usum satunya taon 1999 ama kongco dagang Burger King, Duracell, Jell-O, ama Nabisco. Burger King nyeng mromosiin The Rugrats Movie-nya Nickelodeon ama maènan taon-taon sebelonnya, ngajuin téma Kucing-Anjing bakal maènannya dalem pakèt kids meals selama lima minggu semprakan 22 Pèbruari 1999. Nickelodeon mromosi atu wisara ke Universal Studios Florida sebagé hadiah bakal on-air sweepstakes nyeng digejur ama Burger King ama Mattel, nyeng juga' nguarin maènan Kucing-Anjing di entu taon. Duracell nanggap acara tas gèmbol téma balik ke sekola bakal tangkep Kucing-Anjing nyeng diumrup liwat tipi ama radio selama usum libur. Tèmpèlan Kucing-Anjing pakèt Jell-O di pakèt yogur boca. Nabisco njual rasa Cheese Nips édisi kewates nyeng bisa menangin hadiah jalan-jalan ke Los Angeleh bakal ketemuan ama pengeja Kucing-Anjing.[13]

Gim delengan

[permak | permak sumber]

Tanggal 13 Mèi 1999, Nickelodeon ama Hasbro Interactive ngasi pengabaran kalo kerja sama tiga taonnya bakal nguarin gim delengan nyeng ngejuntrung ke pèlem cèmen tipi deri Nickelodeon, nyeng pertama tu CatDog: Quest for the Golden Hydrant bakal Microsoft Windows, nyeng dikuarin di buntut taon 1999.[14] Ni gim delengan bisa dipaènin di Plèstisen ama Game Boy Color nyeng disebut-sebut cuma ga tau kuar.[14] Judul laènnya entu CatDog: Saving Mean Bob nyeng diumumin bakal kuar taon 2000 bakal kumputer ama Plèstisen cuma ga' tau kuar.[15]

Tokoh deri pèlem cèmen mawjud jadi tokoh nyeng bolé dipaènin di gim Nickelodeon Nicktoons Racing, Super Brawl Universe, Nickelodeon Kart Racers 2: Grand Prix, Nickelodeon All-Star Brawl, Nickelodeon Extreme Tennis, ama Nickelodeon Kart Racers 3: Slime Speedway. Tokoh nyeng mawjud deri orang-orang kesohor ada di Nickelodeon Party Blast, Nicktoons: Attack of the Toybots, ama Nicktoons MLB.

Ruju'an

[permak | permak sumber]
  1. ↑ Perlmutter, David (2018). The Encyclopedia of American Animated Television Shows. Rowman & Littlefield. h. 116–117. ISBN 978-1538103739.
  2. ↑ a b c "Nick Leashes 'CatDog' to 40 Episodes". Variety. Penske Media Corporation. August 14, 1997. Diarsipin deri nyang asli tanggal May 31, 2024. Dipungut May 29, 2010.
  3. ↑ "The Rugrats Movie". The Sacramento Bee. December 31, 1998. h. 63.
  4. ↑ Erickson, Hal (2005). Television Cartoon Shows: An Illustrated Encyclopedia, 1949 Through 2003 (2nd ed.). McFarland & Co. h. 191. ISBN 978-1476665993.
  5. ↑ Wenk, Sarah (July 12, 2006). "CatDog". Common Sense Media. Diarsipin deri nyang asli tanggal September 26, 2011. Dipungut January 3, 2011.
  6. ↑ "Legacy: 26th Annual Annie Award Nominees and Winners (1998)". AnnieAwards.org. ASIFA-Hollywood. Diarsipin deri nyang asli tanggal October 11, 2007. Dipungut December 1, 2012.
  7. ↑ DeMott, Rick (October 18, 2011). "CatDog: Season 1 – Part 1 Pounces Its Way onto DVD". Animation World Network (dalem basa Inggris). Diarsipin deri nyang asli tanggal August 13, 2022. Dipungut August 13, 2022.
  8. ↑ a b Lambert, David (September 22, 2014). "CatDog - 'The Complete Series' Is Scheduled to Be in Stores in Time for Christmas". TVShowsOnDVD.com. Diarsipin deri nyang asli tanggal December 8, 2014.
  9. ↑ CatDog: Season Two, Part One (DVD). ASIN B007GMKX6G.
  10. ↑ Lambert, David (June 8, 2011). "CatDog - 'Season 2, Part 2' DVDs Are Scheduled for Wide Release". TVShowsOnDVD.com. Diarsipin deri nyang asli tanggal September 17, 2012. Dipungut December 1, 2012.
  11. ↑ Lambert, David (January 30, 2013). "CatDog - Shout! Select Release Scheduled for 'Season 3' of the Classic Nick Show". TVShowsOnDVD.com. Diarsipin deri nyang asli tanggal February 8, 2013.
  12. ↑ Lambert, David (May 10, 2013). "CatDog - The 4th and 'Final Season' Is Scheduled by Shout! for DVD". TVShowsOnDVD.com. Diarsipin deri nyang asli tanggal November 15, 2013.
  13. ↑ Stanley, T. L.; Thompson, Stephanie (January 18, 1999). "The $20m Truth About CatDog". Brandweek. J. 40, no. 3.
  14. ↑ a b Sablonan:Cite press release
  15. ↑ Traiman, Steve (February 19, 2000). "Kid-Size Multimedia". Billboard. h. 68 – liwat Google Books.

Sènggètan luar

[permak | permak sumber]


Kengabluan penukilan: Ada tenger <ref> bakal kelompok nyang namanya "lower-alpha", cuman kaga' ketemu tenger <references group="lower-alpha"/> nyang juntrungan

Didapetin deri https://bew.wikipedia.org/w/index.php?title=Kucing-Anjing_(pèlem_cèmèn)&oldid=29189