Kué abug
Kue abug atau kue abuk nya'entu atu penganan Betawi. Ni jajanan ada punya rasa nyeng manis èn bolé ditanjain bakal bekel wayah lagi plesiran.[1] Selaèn bakal bekel, kué abug, gè', sokanan ditanja bakal upacara adat, kaya' kawinan, sunatan, atawa ujung bulan Romadon.
Penanjaan
[permak | permak sumber]Kué abug bolé ditanjain bakal upacara adat, kaya' kawinan atawa sunatan.[1][2] Terus, ni kué abug, gè', bolé ditanjain dalem budaya "ngejot" bakal orang Betawi di daèrah Dèpok.[3] Ni ngejot entu budaya bakal bagi-bagi makanan, hususnya bakal kulawarga nyeng tuaan, Isi makanan nyeng dibawa sokanan, kaya' nasi, semur daging, ikan mas ama emping, atawa ayam, terus dilengkepin ama kué abug.
Ba'an èn cara ngeja
[permak | permak sumber]Ni ba'an ama cara ngeja kué abug.[1][2][3]
- Ba'an
- Tepung beras
- Tepung sagu
- Kelapa muda parut
- Gula méra
- Garem
- Cara ngeja
- Tepung beras, tepung sagu, ama garem ditumbrek terus dikasi aèr panas ama kelapa muda parut.
- Terus, adonan dikasi gula méra di tenganya èn dibungkus daon pisang, dikeja kaya segitiga.
- Abis entu, adonan nyeng dibungkus dikukus ampé mateng, sokanan perlu wayah setenga jem.
- Kalo udah mateng, bisa diangkat terus ditanjain bakal makan.
Ni kué abug bolé tahan ampé 3 ari.
Referensi
[permak | permak sumber]- ↑ a b c "Kue Abug". Perpustakaan Digital Budaya Indonesia. 23 Agustus 2017. Dipungut 30 Mei 2025.
{{cite web}}: Check date values in:|access-date=(pertulungan) - ↑ a b Putsanra, Dipna Videlia (23 Oktober 2019). "Mengenal Geplak, Lapis Legit, dan Kue-Kue Khas Betawi Lainnya". Tirto. Dipungut 30 Mei 2025.
{{cite web}}: Check date values in:|access-date=(pertulungan) - ↑ a b Wahyu, Ramadani (26 Maret 2024). "Menikmati Kue Abug Khas Betawi Saat Malam-Malam Akhir Ramadan". Seni & Budaya Betawi. Dipungut 30 Mei 2025.
{{cite web}}: Check date values in:|access-date=(pertulungan)