Kerèta gancang

Kerèta gancang atawa kerèta petir (basa Inggris: roller coaster) entu mah wahana permaènan kerèta di taman hiburan, dia punya kecepetan cepet banget ama jalannya di rel nyang kusus, dia ngebut naik turun di jalur nyang ketinggiannye beda-beda Rel kerètanya dibuat dari bingke baja silang menyilang nyang diatur sebaèk-baèknye biar kokoh. Wahana ni kali pertamanye di Disney Land Amerika Serikat.^[1]

Kerèta gancang wayah nunjem nukik ke bawa nyeng gancang pisan

Kerèta gancang nyeng disebut *Halilintar* nyeng cenggableg di Dunia Fantasi, Jakarta Lor, Indonésia

Nah, kerèta gancang entu wahana maèn-maènan nyang sokanan ditemuin di tempat maènan seroman pasar malem kaya’ Dunia Fantasi (atawa bekènnya disebut jadi Dufan). Ciri’nya, tuh, tundanan sepur nyang naèk-turun berèrot-rèrot, mèngkal-mèngkol tajem, ampé-ampé muter-muter di udara. Entu kerèta gancang digerakin maké gaya sènggèt bumi ama wayah nyang uda diboléin pas awal nanjak. Jadi, pas abis dibetot ke puncuk, entu sepur bakal ngacir kenceng banget nurunin tanjakan, bikin jantung dag-dig-dug kenceng sangking asiknya. Ati-ati bakal nyang gableg penyakit jeroan, kaya’ bludrek, piansui, ampeg, jantung, èsb, mendingan kaga’ usa naèk.^[2]^[3]

Cikal bakal

Baheula entu sepur nyang dikeja dari kayu, bisa dibetot mudun jau banget, ampé abad ke-17 di Ruslan. Wayah entu, ada prosodan ès nyang tingginya bisa ampé 70 hasta, Tau da, pegimana tingginya. Orang-orang pada naèk sepur kayu ringkes terus ngèsot, dah, tuh, dari atas ke bawa pas musim salju. Entu prosotan ès baheulanya nyang jadi cikal bakal kerèta gancang.

Tundanan kerèta gancang jaman masing maké kayu

Terus, mula-mulain abad ke-19, si bulé Prasman mulai bikin "Russian Mountains” pèrsi garing. Jadi, bukan ès lagi, tapi jalur kayu nyang dikeja naèk turun. Kerètanya juga uda paké ban roda bagèn bisa muter di tundanan.

Nah, kerèta gancang ni mulain nyohor di Amrik, ujung abad ke-19. Taon 1884, si bulé Amrik La Marcus Adna Thompson mulain ngebuka "Gravity Switchback Railway". di Coney Island, New York. Awaknya ringkes banget, cuma jalur seliwar-seliwer doang di puncuk bukit. Tapi, pengunjung uda pada girang banget, dah.

Nah dari entu, tèhnolohi kerèta gancang mingkinan hèbring aja. Tundanannya mingkinan ruwet, mingkinan tinggi, terus mingkinan kenceng, ampé sekarang kita bisa melototin kerèta gancang nyang muter kaya’ gelas, kaya' ulet kèkèt, ampe bisa ngiber segala.

Soal kerèta gancang

Èlmu pisika dalem kerèta gancang

Engehan ungkulan jadi konsep dasar nyang keja kerèta gancang bisa jalan. Pas kerètanya dibetot nanjak ke puncuk, dia ngumpulin ungkulan potènsial gravitasi. Nah, pas uda di puncuk terus ngedun ke bawah, ungkulan simpenan ni berubah jadi ungkulan gerak. Mingkinan tinggi ntu puncuk, makin gede ungkulan simpenannya, mingkinan kenceng da tu keja kerèta gancang pas mudun. Kaya’ ngebetot karet ketapel, makin ditarik, mingkinan kenceng lesatannya.^[4]

Pas kerèta gancang belok, apalagi beloknye tajem, di situ, dah, tuh maèn ungkulan sentrifugal ame ungkulan sentripètal. Ungkulan sentrifugal ntu ungkulan gerak nyang kaya’ ngebetot awak keluar dari pusat lingkaran. Makanya pas belok tajem, awak kaya’ kelempar ke samping. Nah, biar kerètanyae tetep di rel, ada ungkulan sentripetal nyang narik kerèta ke arah pusat lingkaran. Ungkulan ni didapetin dari keja rel nyang melengkung. Ensinyur kudu pinter ngitung biar dua ungkulan ni seimbang, jadi tundanannya tetep aman meski ngerasain sensasi belok nyang seru.^[5]

Ruju'an

↑ Hadi, Miftachul; Deta, Utama Alan; Husein, Andri Sofyan (2021-02-01). "Linear and non-linear refractive indices in curved space". Journal of Physics: Conference Series. 1796 (1): 012125. doi:10.1088/1742-6596/1796/1/012125. ISSN 1742-6588.
↑ Gerstlauer, S., & Bertsche, B. (2003). Kinematics and dynamics of modern roller coasters. Multibody System Dynamics, 9(1), 1-28.
↑ Breton, F., & Gonzalez, J. L. A. (2015). Design and optimization of a roller coaster loop using genetic algorithms. Engineering Optimization, 47(8), 1079-1095.
↑ Bartley, G. A. (2006). The physics of amusement parks. Reports on Progress in Physics, 69(7), 2083.
↑ Jenkins, J. T., Savage, S. B., Uda, T., & Louge, M. Y. (1993). Cluster formation in electrostatically fluidized granular media. Physics of Fluids A: Fluid Dynamics, 5(12), 2807-2827.

[1] Hadi, Miftachul; Deta, Utama Alan; Husein, Andri Sofyan (2021-02-01). "Linear and non-linear refractive indices in curved space". Journal of Physics: Conference Series. 1796 (1): 012125. doi:10.1088/1742-6596/1796/1/012125. ISSN 1742-6588.

[2] Gerstlauer, S., & Bertsche, B. (2003). Kinematics and dynamics of modern roller coasters. Multibody System Dynamics, 9(1), 1-28.

[3] Breton, F., & Gonzalez, J. L. A. (2015). Design and optimization of a roller coaster loop using genetic algorithms. Engineering Optimization, 47(8), 1079-1095.

[4] Bartley, G. A. (2006). The physics of amusement parks. Reports on Progress in Physics, 69(7), 2083.

[5] Jenkins, J. T., Savage, S. B., Uda, T., & Louge, M. Y. (1993). Cluster formation in electrostatically fluidized granular media. Physics of Fluids A: Fluid Dynamics, 5(12), 2807-2827.

[1]

[2]

[3]

[4]

[5]